Солиқ тўловчиларни давлат солиқ хизмати органларида ҳисобга қўйиш

-Давлат солиқ қўмитасининг расмий веб-сайти орқали

-Ягона интерактив давлат хизматлари портали орқали

-Давлат хизматлари маркази орқали

1. Жисмоний шахсларни Давлат солиқ қўмитасининг расмий веб-сайти орқали давлат солиқ хизмати органларида ҳисобга қўйиш

-Ариза берувчи томонидан Давлат солиқ қўмитасининг расмий my.soliq.uz веб-сайтига кирилиб, у ердан “Жисмоний шахсларга СТИР бериш” ҳаволаси топилади ва устига босилади.

-экранда кўринган сўровнома тўлдирилиб ўзига тегишли паспортнинг электрон нусхаси юкланади ва “Юбориш” тугмаси босилади.

-Электрон ариза киритилган маълумотларга асосан ўзи яшаб турган ҳудуддаги солиқ хизмати органига юборилади.

-Аризани қабул қилувчи солиқ хизмати органи ходими томонидан ариза берувчининг аризаси тўлдирилган маълумотлар тўғри эканлиги текширилиб, ариза берувчига СТИР гувоҳномаси расмийлаштирилади.

-Ариза берувчи солиқ тўловчи сифатида ҳисобга қўйилгандан сўнг солиқ тўловчи ҳисобга қўйилганлиги тўғрисида гувоҳнома аризада кўрсатилган email манзилига юборилади ва бу ҳақида солиқ тўловчини ахборот-коммуникация тизими орқали хабардор қилинади.

2. Жисмоний шахсларни Ягона интерактив давлат хизматлари портали орқали давлат солиқ хизмати органларида ҳисобга қўйиш

-Ариза берувчи томонидан Ягона интерактив давлат хизматлари портали my.gov.uz веб-сайтига кирилиб, у ердан “Солиқлар” ҳаволаси топилади ва устига босилади.

-экраданда кўринган хизматлардан “Солиқ тўловчининг идентификация рақами (СТИР)” ҳаволаси танланилади.

-У ердан “Жисмоний шахслар учун солиқ тўловчининг идентификацион рақамини (СТИР) олиш” тугмаси босилиб, экраданда кўринган сўровнома тўлдирилиб ўзига тегишли паспортнинг электрон нусхаси юкланади ва “Юбориш” тугмаси босилади.

-Электрон ариза киритилган маълумотларга асосан ўзи яшаб турган ҳудуддаги солиқ хизмати органига юборилади.

-Аризани қабул қилувчи солиқ хизмати органи ходими томонидан ариза берувчининг аризаси тўлдирилган маълумотлар тўғри эканлиги текширилиб ариза берувчига СТИР гувоҳномаси расмийлаштирилади.

-Ариза берувчи солиқ тўловчи сифатида ҳисобга қўйилгандан сўнг Солиқ тўловчи ҳисобга қўйилганлиги тўғрисида гувоҳнома аризада кўрсатилган email манзилига юборилади ва бу ҳақида солиқ тўловчини ахборот-коммуникация тизими орқали хабардор қилинади.

3. Жисмоний шахсларни давлат хизматлар марказлари орқали давлат солиқ хизмати органларида ҳисобга қўйиш

- Ариза берувчи давлат хизматидан фойдаланиш учун исталган Давлат хизматлари марказларига ўзи келиб мурожаат этади

-Давлат хизматлари маркази ходими ариза берувчи номидан сўровномани тўлдиради

-Сўровнома тўлдирилгандан сўнг, Давлат хизматлари маркази ходими сўровномани чоп этади ва ариза берувчига беради. Ариза берувчи маълумотларнинг тўғрилигини текшириб, сўровномани ўз имзоси билан тасдиқлайди. Сўровномага ариза берувчи паспорт нусхаси илова қилинади.

-Ариза берувчи солиқ тўловчи сифатида ҳисобга қўйилгандан сўнг солиқ тўловчи ҳисобга қўйилганлиги тўғрисида гувоҳнома Давлат хизматлари маркази томонидан ариза берувчининг электрон манзилига юборилади ва ариза берувчини бу ҳақда ахборот-коммуникация тизими орқали хабардор қилинади.

–Ўзи келиб мурожаат қилган тақдирда унинг сўровига кўра Давлат хизматлари маркази ариза берувчига гувоҳномани электрон ёки қоғоз шаклда тақдим этиши мумкин.

-Ариза берувчилар давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда унинг сўровномаси кўриб чиқилмасдан қолдирилади.

-Сўровномада нотўғри маълумотларнинг кўрсатилиши давлат хизмати кўрсатишни рад этиш учун асос ҳисобланади.

-Давлат хизмати кўрсатилгани учун йиғим ундирилмайди.