Ijara shartnomasini E-ijara interaktiv xizmatida ro‘yxatdan o‘tkazish uchun ijaraga beruvchi ERI kaliti orqali tizimga kiradi.
“Ijaraga berilayotgan ko‘chmas mulk to‘g‘risida ma'lumot” bo‘limidagi barcha qatorlar to‘ldirgandan so‘ng avtomatik ravishda kommunal to‘lovlar bo‘limi paydo bo‘ladi.
Eʼtibor bering. Ushbu bo‘limda, barcha turdagi kommunal xizmatlar tizim tomonidan avtomatik ravishda belgilanadi. Bu kommunal xizmatlar to‘lovi ijaraga oluvchining zimmasida ekanligini anglatadi.
Agar shartnoma shartlariga ko‘ra, kommunal xizmatlar to‘lovi ijaraga beruvchi tomonidan to‘lanadigan bo‘lsa, unda tegishli kommunal xizmatlar – tabiiy gaz, elektr energiyasi, sovuq suv yoki issiq suv taʼminotidan ✔️ belgini olib tashlash lozim.
Agar qo‘shimcha ijara shartlari mavjud bo‘lsa, ushbu maʼlumot, xuddi shu nomdagi (“Qo‘shimcha shartlar”) oynaga kiritiladi.