O‘zbekiston Respublikasi Vazirlar Mahkamasi huzuridagi Soliq qo‘mitasi

Jamoatchilik kengashi a’zolari foyda solig‘i bo‘yicha hisobot shakllarini takomillashtirish masalalarini muhokama qildi

08/02/2024

Joriy yilning 8-fevral kuni Soliq qo‘mitasi huzuridagi Jamoatchilik kengashining navbatdagi yig‘ilishi onlayn formatda bo‘lib o‘tdi.

Kun tartibida foyda solig‘i bo‘yicha hisobot shakllarini to‘ldirish masalalari hamda faktoringni tartibga solish bo'yicha Soliq kodeksiga o'zgartirishlar kiritish bo'yicha takliflar kiritish bo‘ldi.

Ekspertlarning ta'kidlashicha, soliq hisoboti shakllari soliq to‘lovchilarni ogohlantirish va xatolikarning oldini olishiga yordam berishi hamda soliq organlari nazorat funksiyalarini amalga oshirishi uchun etarli ma'lumotlarni taqdim etishi kerak.

Mutaxassislar kelgusi yilda foyda solig‘i bo‘yicha hisobot shakllarini to‘ldirish, xususan, soliq to‘lovchilarga ma’lumotlar avtomatik shakllanadigan ba’zi “sariq” katakchalarni tahrirlash imkoniyatini berish bo‘yicha takliflarni muhokama qildi.

Bundan tashqari, da’vo huquqini (debitorlik qarzlarini realizatsiya qilish) boshqa shaxsga o'tkazishda soliq solinadigan bazani aniqlash tartibining qonunchilik jihatlari muhokama qilindi.

Jamoatchilik kengashi aʼzolari Soliq kodeksiga Oʻzbekistonda faktoringni rivojlantirish yoʻlidagi soliq toʻsiqlarini olib tashlaydigan oʻzgartirishlar kiritishni taklif qildi.

Jamoatchilik kengashi o‘z a’zolarini Soliq qo‘mitasining onlayn seminarlarida ishtirok etish taklifini ma’qulladi.

Jamoatchilik kengashining navbatdagi yig‘ilishini 22-fevral kuni o‘tkazish to‘g‘risida qaror qabul qilindi. Unda, jumladan, Soliq qo‘mitasi mutaxassislari ishtirokida “E-Ombor” (E-Aktiv) tizimi masalasi ko‘rib chiqiladi va lizingga soliq solishni takomillashtirish bo‘yicha takliflar muhokama qilinadi.

Soliq qo‘mitasi Matbuot xizmati