“Mening holatimni tekshirish” interfeysida rahbar yoki moliyaviy boshqaruv vazifalarini amalga oshirayotgan shaxsning shaxsi yagona milliy mehnat tizimi (“YAMMT” IDAK)da tasdiqlanmagan bo‘lsa ushbu korxona soliq xavfi yuqori soliq to‘lovchi sifatida tasniflanadi? Bu vaziyatda holatni ijobiy tomonga o‘zgartirish uchun nima qilish kerak?
Ushbu mezon bo‘yicha baholash “YAMMT” tizimi va jismoniy shaxslarning daromad solig‘i va ijtimoiy solig‘i hisoboti maʼlumotlari asosida amalga oshiriladi.
Bunda “soliq xavfining yuqori darajasi”ga tushib qolmaslik uchun:
- amaldagi rahbar va moliyaviy boshqaruv vazifalarini bajaruvchi shaxs to‘g‘risidagi maʼlumotlar YAMMT tizimiga kiritilishi lozim.(xodim o‘zgarganda yoki boshqa biron sababga ko‘ra maʼlumotlar YAMMTga kiritilmaslik holatlari uchrab turadi);
- rahbar va moliyaviy boshqaruv vazifalarini bajaruvchi shaxslarga hisoblangan ish haqidan tegishli soliqlar ushlab qolingan holda oylik to‘langan bo‘lishi kerak.
- YAMMT tizimida shartnomani (qo‘shimcha shartnoma) ro‘yxatdan o‘tkazishda va jismoniy shaxslardan olinadigan daromad solig‘i va ijtimoiy soliq hisobotini topshirishda xodimlarning shaxsiy maʼlumotlarida xatolikka yo‘l qo‘ymaslik kerak. (familiyasi, ismi, otasining ismi, lavozimi, JSHSHIR (jis.sh. STIRi), xodimning hisobot davridagi holati va boshqa maʼlumotlari bir-biriga to‘g‘ri kelishi va birlamchi hujjatlar maʼlumotlariga mosligi).
Xavfni tahlil qilish tizimida holatni o‘zgartirish uchun quyidagilar zarur:
- mehnat shartnomalarini, ularga qo‘shimcha shartnomalarni YAMMTdan ro‘yxatdan o‘tkazish, noto‘g‘ri ko‘rsatilgan maʼlumotlarga tuzatish kiritish orqali “Yagona milliy mehnat tizimi” IDAKda aniqlangan kamchiliklarni bartaraf etish.
- Jismoniy shaxslardan olinadigan daromad solig‘i va ijtimoiy soliq hisob-kitoblaridagi noaniqliklarni qayta hisobot topshirish orqali bartaraf etish.
- “Mening holatimni tekshirish” oynasida yangilash tugmasini bosish.