2023-yil 1-mart holatiga soliq organlarida hisobga qoʻyilgan koʻchmas mulk ijara shartnomalari soni 307 063 tani tashkil etdi.
Jismoniy shaxslar oʻrtasida tuzilgan 228,5 mingta ijara shartnomalari asosida 21,7 mlrd soʻm daromad soligʻi hisoblanib, oʻtgan yilning mos davriga nisbatan ijara shartnomalari soni 53,7 foizga va hisoblangan daromad soligʻi summasi 34,4 foizga oshgan.
Yuridik shaxslar oʻrtasida tuzilgan 78,5 mingta ijara shartnomalari asosida 39,8 mlrd soʻm daromad soligʻi hisoblanib, oʻtgan yilning mos davriga nisbatan ijara shartnomalari soni 25,9 foizga va hisoblangan daromad soligʻi summasi 35,6 foizga oshgan.
Talabalar bilan tuzilgan ijara shartnomalari soni – 50 976 ta.
Ijarada turuvchi talabalar soni – 83 018 nafar.
Soliq toʻlovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad soligʻidan 7,8 mlrd soʻm imtiyoz qoʻllanilgan.
Soliq to'lovchilarga xizmat ko'rsatish departamenti