Истеъмолчилар томонидан 2024 йил 1 апрель холатига (март-ойи учун кешбекларни рўйхатдан ўтказишнинг сўнгги куни 10 апрель) 189,3 млнта чек рўйхатдан ўтказилган, уларнинг умумий харид суммаси 26,4 трлн сўмдан зиёд. Ушбу чекларга 264,3 млрд сўм кешбек ҳисобланган. МХИК коди нотўғри кўрсатилганлиги ёки сотувчи томонидан нотўғри урилган чеклар бекор қилинганлиги сабабли ҳисобланган 72,8 млрд сўм кешбек бекор қилинган.

Шунингдек, жорий йил январь ойида истеъмолчиларга тўланган жами кешбек суммаси 25 апрель куни тасдиқлаш муддати белгиланган.

«Солиқ ҳамкор» тизими

Давлат солиқ хизмати органлари томонидан ҳалол тадбиркорлик учун тенг рақобат шароитларини яратиш, инсофли тадбиркорларни қўллаб-қувватлаш, яширин иқтисодиёт улушини қисқартиришга қаратилган чоралардан яна бири солиқ органларига солиқ ҳуқуқбузарликлари ҳақида хабар берган жисмоний шахсларни мукофотлаш амалиётидир.

Фуқаролар 2022 йил 1 январдан бошлаб "Солиқ ҳамкор" тизими орқали қуйидаги ҳолатлар юзасидан хабар берганда ҳуқуқбузарлардан ундирилган жариманинг 20 фоизи миқдорида мукофотланмоқда:

-назорат касса техникаси ва тўлов терминалларини қўллаш тартибини бузганлик;

-ноқонуний тадбиркорлик фаолияти;

-тўлов терминаллари орқали сотиладиган товарларнинг нархни сунъий ошириш ҳолатлари.

2024 йил 1 апрель ҳолатига, 7 797 нафар фуқаро томонидан "Солиқ ҳамкор" орқали 26 260 та мурожаат йўлланган. Шундан 24 186 таси (92,1%) чек бермаслик ҳолати бўйича йўлланган. Банк пластик картаси орқали тўловни қабул  қилишни рад этиш бўйича 1 090 та, пластик картага маҳсулот нархини қимматроқ сотиш бўйича 53 та мурожаат келиб тушган.

Яна 931 таси бошқа турдаги солиқ ҳуқуқбузарликлар юзасидан юборилган.

Йил бошидан буён келиб тушган жами мурожаатларнинг 11 093 таси такроран юборилганлиги сабабли рад этилган, 8 724 таси текширув жараёнида.

Бугунги кунда мурожаатларнинг 6 443 таси текширилди ва уларнинг 99,2  фоизи (6 392 таси) ўз тасдиғини топган ҳамда 51 та мурожаатда қайд  этилган ҳуқуқбузарлик тасдиқланмаган.

Солиқ ҳисоботларини белгиланган муддатларда топширилишини тартибга солиш.

Солиқ идоралари томонидан солиққа оид ҳуқуқбузарликларга қарши курашиш борасида муайян ишлар амалга оширилди.

Хусусан, 2024 йил 1 апрель ҳолатига 3 159 та солиқ текширув ҳужжатлари тааллуқлилиги бўйича судларга юборилган.

Шундан, 632 та шахсга нисбатан 511,9 млн сўм жарима қўлланилган бўлса, Маъмурий жавобгарлик тўғрисидаги кодекснинг 271-моддасига асосан 1 024 та шахс судлар томонидан жавобгарликдан озод этилган ҳамда Маъмурий жавобгарлик тўғрисидаги кодекснинг 21-моддасига асосан 5 та шахсга нисбатан огохлантириш эълон қилинган.

Ҳудудий солиқ идоралари томонидан тааллуқлилиги бўйича 46 та шахсга нисбатан 58,2 млн сўмлик маъмурий жарима қўлланилган бўлса, шундан, 15-кунлик муддатда 23,3 млн сўмлик маъмурий жарима ундирилган.

 Йиғма ахборот-таҳлил бошқармаси