Аввалроқ Солиқ қўмитаси томонидан такси хизматлари соҳасини легаллаштириш, расмий иш билан банд бўлмаган шахслар фаолиятларини қонунийлаштирган ҳолда ушбу бозордаги айланмалар ҳисобини юритиш бўйича ишлар давом эттирилаётгани ҳақида хабар берилган эди.
Солиқ органлари томонидан ўтказилган дастлабки ўрганишлар натижасида 124 та агрегатор – 32 таси мобил илова ва 92 таси телефон орқали такси хизмати кўрсатаётгани аниқланди. Бироқ, ушбу агрегаторларнинг 17 таси фаолият юритмайди.
Солиқ органлари билан 3 та агрегатор (Yandex Uklon ва MyTaxi) тўлиқ интеграциялашган. Яна 24 та агрегатор интеграция жараёнида ва 80 та агрегатор эса интеграция учун ариза топширган.
Ҳудудлардаги онлайн агрегаторлар ва такси хизматларига солиқ органларининг ахборот тизимлари билан интеграциялашуви, шунингдек, улар кўрсатаётган хизматлар учун нақд ва нақдсиз тўловларни фискаллаштиришга кўмаклашилмоқда.
Бундай манзилли учрашувлар Тошкент шаҳрида, Андижон, Навоий, Хоразм, Бухоро, Фарғона вилоятларида бўлиб ўтди.
Сайёр солиқ текширувлари бошқармаси