Soliq xizmati organlarida turli bayramlar munosabati bilan xodimlar va ularning oila aʼzolari ishtirokida sport musobaqalari va boshqa madaniy tadbirlar o‘tkazish o‘ziga xos an’anaga aylangan.
“15-may – Xalqaro oila kuni” arafasida tashkil etilgan sport musobaqasi ana shunday tadbirlarning navbatdagisi bo‘ldi.
“15-may – Xalqaro oila kuni” munosabati bilan joriy yilning 13-may kuni soliq xizmati organlarida faoliyat yuritayotgan xodimlarning oilaviy juftlik jamoalari o‘rtasida sportning stol tennisi turidan musobaqa o‘tkazildi.
“Yangi O‘zbekistonning ibratli oilasi” shiori ostida tashkil etilgan musobada soliq xizmati organlarida faoliyat yuritayotgan xodimlar farzandlari va ota-onalari bilan ishtirok etishdi.
Qizg‘in bellashuvlar natijasiga ko‘ra Nurmatovlar oilasi 1-o‘rinni, Elmurodovlar oilasi 2-o‘rinni va Anarkulovlar oilasi 3-o‘rinni egalladi.
G‘oliblarga Soliq qo‘mitasi rahbariyati hamda Birlashgan kasaba uyushma qo‘mitasining diplom hamda esdalik sovg‘alari topshirildi.
Soliq qo‘mitasi Matbuot xizmati