Диққат қилинг: ютуқли ўйинларнинг II тиражи учун чекларни рўйхатдан ўтказиш бугун, 24 февраль (соат 23:59 гача) куни якунланади.
25 февраль соат 00:00 дан кейин рўйхатдан ўтган чеклар ютуқли ўйинларнинг навбатдаги – III тиражида иштирок этади.
Чек ўйинлари истеъмолчиларни эътиборли бўлишга, харид ёки фойдаланилган хизматлар учун QR-кодли чекларни талаб қилишга ундайди. Бундай чеклар онлайн равишда ишлайдиган назорат-касса машиналаридан берилади.
Онлайн-НКМдан чек берилиши тадбиркорлик фаолиятининг қонунийлигини англатади.
Барча дорихоналар, ёнилғи қуйиш шохобчалари, савдо тармоқлари, алкоголь ва тамаки маҳсулотлари савдо нуқталаридан QR-кодли чекларни талаб қилинг.
Ҳар бир чек совриндор бўлиш имкониятини оширади.
Soliq, Payme ёки Click мобил иловаларида чек QR-кодини сканерлаш ёки 12 сондан иборат фискал белгисини 1077 рақамига SMS-хабар тарзида юбориш орқали рўйхатдан ўтказишда давом этинг.
Сиз пул мукофоти, телевизор, кондиционер, газ плитаси, уяли телефон, санаторийга йўлланма, велосипед ёки супер ютуқ – Chevrolet Spark автомобилини ютиб олишингиз мумкин.
Жами 25 та қимматбаҳо совға ўйналади!