“Oʻzbekiston–2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisidagi Oʻzbekiston Respublikasi Prezidenti Farmoni loyihasi keng jamoatchilik muhokamasiga qoʻyildi.
Hujjat loyihasida yoshlar va biznesni qo‘llab-quvvatlash, ijtimoiy-iqtisodiy, ekologiya, davlat boshqaruvi, sud-huquq, xavfsizlik va tashqi siyosat yo‘nalishlarida 2024-yilga mo‘ljallangan islohotlar nazarda tutilmoqda.
Shuningdek, loyihada davlat ishtirokidagi korxonalar faoliyatida ochiqlik darajasini keskin oshirish va korporativ boshqaruvni yanada takomillashtirish maqsadida 2024-yil 1-iyuldan boshlab yirik soliq toʻlovchilar korporativ ijtimoiy masʼuliyat (CSR) hamda ekologik, ijtimoiy va korporativ boshqaruv (ESG) holati toʻgʻrisida har yili 1-iyulga qadar hisobotni jamoatchilikka oshkor etish amaliyoti yoʻlga qoʻyish taklif etilmoqda.
Loyiha muhokamasi 9-fevralga qadar davom etadi. Fuqarolar www.uzbekistan2030.uz va regulation.gov.uz veb-saytlari orqali loyiha yuzasidan takliflarini bildirishlari mumkin.
