2020 йил 1 октябрдан қуйидаги солиқ имтиёзларини қўллаш

муддати тўхтатилади

2020 йил 1 октябрдан бошлаб,

I. Ўзбекистон Республикаси Президентининг 2020 йил 19 июндаги “Алоҳида солиқ ва божхона имтиёзларини бекор қилиш тўғрисида”ги ПФ-6011-сонли Фармонига асосан:

- солиқлар тўғрисидаги қонун ҳужжатларида ижтимоий солиқ (ягона ижтимоий тўлов)дан озод қилиш тарзидаги солиқ имтиёз тўғридан-тўғри кўрсатилмаган бўлса, ушбу солиқ имтиёзи қўлланмайди;

- Ўзбекистон Республикаси норезидентлари бўлган юридик шахслардан сотиб олинадиган ишлар (хизматлар) учун қўшилган қиймат солиғи бўйича берилган имтиёзлар, Ўзбекистон Республикасида доимий муассасалар орқали фаолиятини амалга ошираётган юридик шахслар - норезидентлар томонидан амалга ошириладиган ишлар (хизматлар)га татбиқ этилмайди.

Шунингдек, мазкур Фармоннинг 1-иловасига асосан:

1. Ўзбекистон Республикаси Президентининг 2000 йил 28 апрелдаги
ПФ-2598-сонли Фармони:

4-бандига асосан нефть ва газ конларини қидириш ва разведка қилиш ишларини амалга оширувчи хорижий компаниялар, шунингдек улар томонидан жалб этиладиган хорижий пудрат ва ёрдамчи пудрат ташкилотларига қўшилган қиймат солиғи тижорат банкларида жойлаштирилган маблағлардан олинган фоизлари фойда солиғидан озод қилиш тарзидаги берилган имтиёзлар;

5-бандига асосан нефть ва газ конларини қидириш ва разведка қилиш ишларини олиб бораётган хорижий компанияларга материаллар етказиб бериш, ишлар ва хизматларни бажариш билан шуғулланувчи Ўзбекистон Республикасининг резидент корхоналари ва ташкилотларига қўшилган қиймат солиғи бўйича берилган имтиёз;

7-бандига асосан нефть ва газ конларини қидириш ва разведка қилиш ишларини амалга оширган хорижий компаниялар иштирокида ташкил этиладиган нефть ва газ қазиб чиқарувчи қўшма корхоналарга фойда солиғи ва мол-мулк солиғи ҳамда хорижий қатнашчиларнинг қўшма корхоналардаги улуши иштирокидан олинадиган даромад солиғини тўлашдан озод этиш тарздаги берилган имтиёзлар бекор қилинди;

2. Ўзбекистон Республикаси Президентининг 2005 йил 11 апрелдаги
ПФ-3594-сонли Фармонига киритилган ўзгартиришларга мувофиқ, тўғридан-тўғри хусусий хорижий инвестицияларни жалб этадиган иқтисодиёт тармоқлари корхоналарига асосий фаолияти бўйича фойда солиғи ва айланмадан олинадиган солиқ тўлашдан озод қилиш тарзидаги берилган имтиёзлар бекор қилинди;

3. Ўзбекистон Республикаси Президентининг 2016 йил 26 октябрдаги
ПФ-4853-сонли Фармони 3-бандига киритилган ўзгартиришларга асосан Махсус иқтисодий зоналар иштирокчиларига назарда тутилган фойда солиғи ва айланмадан олинадиган солиқларни тўлашдан озод қилиш тарзидаги берилган имтиёзлар бекор қилинди;

4. Ўзбекистон Республикаси Президентининг 2017 йил 14 декабрдаги
ПФ-5285-сонли Фармони 10-бандига асосан “Ўзтўқимачиликсаноат” уюшмасига ўтказилган бадаллар ва ажратмаларни фойда солиғи ва айланмадан олинадиган солиқ базасидан чегириш тарзидаги берилган имтиёзлар бекор қилинди;

5. Ўзбекистон Республикаси Президентининг 2008 йил 21 февралдаги
ПҚ-800-сонли қарори 8-бандига асосан “Женерал Моторс Ўзбекистон” ёпиқ акциядорлик жамияти расмий дилерларининг автомобилларни таъмирлаш
ва уларга сервис хизматлари кўрсатиш, жумладан ушбу хизматларни кўрсатиш вақтида ўрнатиладиган эҳтиёт қисмлар, узеллар, агрегатлар ва материалларнинг нархлари, шунингдек эҳтиёт қисмлар, узеллар, агрегатлар ва материалларни уларнинг савдо тармоқлари орқали сотишда қўшилган қиймат солиғидан озод қилиш тарзидаги берилган имтиёз бекор қилинди;

6. Ўзбекистон Республикаси Президентининг 2012 йил 26 мартдаги
ПҚ-1731-сон қарори 7-бандида белгиланган сифатни бошқариш тизимларини жорий этиш, маҳсулотларнинг халқаро стандартларга мувофиқлигини сертификациядан ўтказиш, шунингдек лаборатория тестлари ва синовларини ўтказиш комплексларини харид қилишга йўналтириладиган маблағларга янги технологик ускуналарни сотиб олишда айланмадан олинадиган солиқ бўйича солиқ солинадиган базани камайтиришнинг амалдаги тартиби бекор қилинди;

7. Ўзбекистон Республикаси Президентининг 2015 йил 29 декабрдаги
ПҚ-2460-сонли қарори 9-бандига асосан наслдор чорвачилик субъектларига асосий фаолият тури бўйича айланмадан олинадиган солиқни тўлашдан озод қилиш тарзидаги берилган имтиёз бекор қилинди;

8. Ўзбекистон Республикаси Президенти 2017 йил 11 сентябрдаги
ПҚ-3262-сонли қарорининг 7-банди тўртинчи хатбошига асосан Ўзбекистон Республикаси Вазирлар Маҳкамаси ҳузуридаги йўл жамғармаси маблағлари ҳисобидан молиялаштириладиган умумфойдаланиладиган йўлларни эксплуатация қилиш ва сақлаш, шунингдек, (хизматлар) қўшилган қиймат солиғи бўйича солиққа тортиш объекти ҳисобланмаслик тарзидаги берилган имтиёз бекор қилинди;

9. Ўзбекистон Республикаси Президентининг 2017 йил 2 декабрдаги
ПҚ-3422-сонли қарори 4-банди иккинчи хатбошига асосан автомобилларда халқаро юк ташишни амалга ошираётган миллий автотранспорт корхоналари ва транспорт-логистика компаниялари қўшилган қиймат солиғидан озод қилиш тарзидаги берилган имтиёз бекор қилинди;

10. Ўзбекистон Республикаси Вазирлар Маҳкамасининг 2015 йил
30 сентябрдаги 279-сон қарорининг:

11-банди иккинчи хатбошига асосан “Пойтахт қурилиш ва хизмат” ДУК, “Ташгипрогор” ОAЖ, “Трест 12” AЖ ва уларнинг субпудратчилари, меҳмонхонани фойдаланишга топширгунга қадар лойиҳалаштириш, қуриш даврида қўшилган қиймат солиғидан озод қилиш тарзидаги берилган имтиёз;

11-банди учинчи хатбошига асосан “Пойтахт қурилиш ва хизмат” ДУК, “Ташгипрогор” ОAЖ, “Трест 12” AЖларга Ўзбекистон Республикаси норезидентлари томонидан олинган ишлар (хизматлар) учун қўшилган қиймат солиғидан озод қилиш тарзидаги берилган имтиёз;

11-банди бешинчи хатбошига асосан “Пойтахт қурилиш ва хизмат” ДУК Ўзбекистон Республикаси Тикланиш ва тараққиёт жамғармасининг жалб қилинган кредитини тўлаш муддатида ер солиғидан озод қилиш тарзидаги берилган имтиёз бекор қилинди.

Мазкур Фармоннинг 2-иловасига асосан Ўзбекистон Республикаси Президентининг 2017 йил 30 мартдаги ПҚ-2860-сонли қарори 6-бандига асосан кичик саноат зонасининг қатнашчилари - ишлаб чиқариш корхоналар, хўжалик юритиш субъектини кичик саноат зонаси ҳудудида жойлаштириш тўғрисидаги қарор қабул қилинган санадан бошлаб айланмадан олинадиган солиқни тўлашдан озод қилиш тарзидаги берилган имтиёз бекор қилинди.

II. Ўзбекистон Республикаси Президентининг 2020 йил 19 мартдаги
ПФ-5969-сонли Фармони 5-бандига асосан якка тартибдаги тадбиркорлар учун ижтимоий солиқнинг ойлик энг кам суммаси базавий ҳисоблаш миқдорининг 50 фоизига қадар камайтириш тарздаги берилган имтиёзнинг амал қилиш муддати тугатилди.