O'zbekiston Respublikasi Soliq qo'mitasi

Автомобил ўз соҳибини кутмоқда

21/07/2020

Давлат солиқ қўмитаси томонидан ташкил этилаётган ютуқли чек ўйинларининг биринчи тиражига атига бир кун қолди. Ютуқли ўйин эртага – 22 июль куни MY5 (Менинг юртим) телеканалида соат 16:00да бошланади.

Ютуқли чек ўйинларнинг биринчи тиражида қуйидаги совринлар ўйналади:

3 дона телевизор;

3 дона кир ювиш машинаси;

3 дона кондиционер;

3 дона газ плита;

3 дона дазмол;

4 дона велосипед.

Асосий соврин – Chevrolet Nexia 3 ҳам ўз соҳибини кутмоқда.

Муҳим! Қимматбаҳо совринлар ўйинида чекнинг аслини бутун ҳолатда сақлаб қолган ҳақиқий эгаси иштирок этади. Яроқсиз ҳолдаги чек ёки унинг нусхаси ҳақиқий ҳисобланмайди. Бундай чеклар мукофот бериш учун асос бўлмайди.

Эслатиб ўтамиз, дастлабки ютуқли ўйинларда фақат Тошкент шаҳридаги савдо нуқталарида ўрнатилган онлайн НКМ ва виртуал кассалардан берилган QR кодли чеклар иштирок этади. Бу каби совринли ўйинлар келгусида бутун мамлакат миқёсида ўтказилиши режалаштирилган.

21 июль (соат 23:59)гача рўйхатдан ўтказилган чеклар фақат биринчи тиражда иштирок этади. 22 июлдан бошлаб берилган ва рўйхатдан ўтказилган чеклар ДСҚ ютуқли чек ўйинларининг иккинчи тиражида иштирок этади.

ДСҚ Матбуот хизмати