Бухорода коронавирус пандемияси натижасида юзага келган вазиятнинг иқтисодиёт тармоқларига салбий таъсирини юмшатиш мақсадида тизимли ишлар олиб борилмоқда.

Вилоят, шаҳар ва туманларда ташкил этилган, тадбиркорлик субъектларини қўллаб-қувватлаш Штаби томонидан молиявий қийинчиликлар юзага келиши мумкин бўлган корхоналар рўйхати шакллантирилиб, уларга ҳар-томонлама кўмак берилмоқда.

Хусусан, жорий қилинган карантин тадбиркорлик фаолиятини юритишига ўзининг салбий таъсирини кўрсатаётган бўлса, Ўзбекистон Республикаси Президентининг 2020 йил 19 мартдаги ПФ-5969-сонли фармонига мувофиқ, мол-мулк солиғи, ер солиғи ва сув ресурсларидан фойдаланганлик учун солиқларни фоиз ундирмаган ҳолда тўлаш учун 6 ойлик кечиктириш (бўлиб-бўлиб тўлаш) имконияти бериляпти.

Бухоро вилоятида жами 5,7 мингдан зиёд корхона (189 та меҳмонхона, 105 та сайёҳлик агентлиги, 869 та умумий овқатланиш, 1 906 та чакана ва улгуржи савдо ташкилотлари, 120 та тўйхона ва 764 та транспорт) фаолиятига карантин салбий таъсир кўрсатиши мумкин.

Таҳлилларга кўра, ушбу корхоналарга “Инқирозга қарши курашиш жамғармаси” маблағлари ҳисобидан қўшимча инфратузилма лойиҳаларини амалга ошириш учун жами 189,3 миллиард сўм ажратилиши кўзда тутилмоқда.

Айни пайтда ҳудуддаги тадбиркорлик субъектларининг жами 527 та кредит шартномалари бўйича жами 317,3 миллиард сўмлик тўловлар муддати узайтирилди.

Олиб борилаётган чора тадбирлар шу билан тўхтаб қолгани йўқ. Тадбиркорлик субъектларини қўллаб-қувватлаш штаби томонидан айрим тадбиркорлик субъекти вакилларининг фаолиятидаги муаммоларни бартараф этиш мақсадида коронавирус пандемияси оқибатида ўз вақтида қайтмаслик хавфи бўлган бошқа кредитлар бўйича мурожаатларни қисқа муддатларда кўриб чиқиб, уларга жорий йил 1 октябрга қадар имтиёзли давр берилади.

Оилавий тадбиркорликни ривожлантириш дастурлари доирасида биринчи ярим йиллик якунига қадар 203,8 миллиард сўм, шундан ҳунармандчилик лойиҳаларини молиялаштириш учун 24,7 миллиард сўм кредит маблағлари ажратиш кўзда тутилмоқда.

Шунингдек, ҳудудий бўйсунувдаги ишлаб чиқариш ҳажмини пасайтирган 8 та корхонанинг мавжуд муаммолари тезкорлик билан бартараф этилишида амалий ёрдам кўрсатилади.

Эслатиб ўтамиз, вилоят ҳудудидаги тадбиркорларнинг фаолиятига коронавирус пандемияси ўзининг салбий таъсирини кўрсатаётган бўлса my.soliq.uz сайтининг “Солиқ тўловчининг шахсий кабинети” орқали ёки солиқ солиш объекти жойлашган манзил бўйича ҳудудий солиқ инспекцияларига маҳаллий солиқлар бўйича кечиктириш (бўлиб-бўлиб тўлаш) тўғрисидаги аризани тақдим қилишингиз керак бўлади.

Мазкур аризалар келиб тушган кундан бошлаб 3 иш куни мобайнида тегишли ташкилотлар томонидан ўрганиб чиқилиб, солиқ имтиёзларини қўллаш мақсадга мувофиқ ёки номувофиқлиги тўғрисида хулоса берилади.

Ушбу хулосага асосан эса вилоят Кенгаши ва Халқ депутатлари Кенгашининг маҳаллий солиқларни тўлашни кечиктириш (бўлиб-бўлиб тўлаш) бўйича қарорлари билан имтиёзлар берилади.

Юқоридагиларни инобатга олиб, тадбиркорлик фаолиятингиздаги муаммоларни бартараф қилиш ҳамда солиқ имтиёзлардан  фойдаланиш бўйича саволлар бўлса вилоят, шаҳар ва туманларда ташкил этилган штабларга қуйидаги телефон рақамлари орқали мурожаат қилишлари мумкин.

-  Бухоро вилояти бош штаби –                Ф.Рахимов         тел.: (65)224-53-00

-  Бухоро шаҳри – штаб раҳбари              Б.Махсудов       тел.: (65)223-45-35

-  Когон шаҳри – штаб раҳбари                 А.Ражабов         тел.: (65)524-52-29

-  Жондор тумани – штаб раҳбари            И.Юсупов          тел.: (65)582-14-95           

-  Когон тумани – штаб раҳбари                У.Задаев            тел.: (65)524-48-79

-  Вобкетн тумани – штаб раҳбари            М.Маликов        тел.: (65)332-13-30

-  Бухоро тумани – штаб раҳбари              А.Очилов           тел.: (65) 542-58-46

-  Шофиркон тумани – штаб раҳбари        Н.Рахмонов       тел.: (65)502-35-32

-  Ғиждувон тумани – штаб раҳбари          Б.Толибов         тел.: (65)572-10-01

-  Қоракўл тумани – штаб раҳбари             Б.Гайбуллаев    тел.: (65)565-20-64

-  Олот тумани – штаб раҳбари                  Н.Каримов         тел.: (65)342-27-01

-  Пешкў тумани – штаб раҳбари                К.Имомов          тел.: (65)353-16-36

-  Ромитан тумани – штаб раҳбари             Б.Наврўзов       тел.: (65) 552-22-92

-  Қоровулбозор тумани – штаб раҳбари    Ю.Тўраев          тел.: (65)364-14-33

-  вилоят давлат солиқ бошқармаси                                      тел.: (65) 221-26-89

Бухоро вилояти ДСБ

Матбуот хизмати