Tasnif.soliq.uz sayti optimallashtirildi. Endi unda quyidagi funksiyalar mavjud:

• o‘lchov birliklarini biriktirish yoki mavjudlarini o‘zgartirish bo‘yicha so‘rovnoma yuborish. Buning uchun, tasnif.soliq.uz saytida ro‘yxatdan o‘tish loizim. Shundan so‘ng so‘rovnoma operator tomonidan ko‘rib chiqilib, tegishli o‘lchov birligi biriktiriladi yoki sababini ko‘rsatgan holda rad etiladi;
• tizimda aniqlangan xatolik to‘g‘risida xabar yuborish;
• takomillashtirilgan “Mahsulot kartochkasi” bo‘limidan foydalanish. Ushbu bo‘limning yangi versiyasida quyidagi imkoniyatlar yaratildi:
• mahsulot (tovar)larni guruh, sinf, pozitsiya va subpozitsiya bo‘yicha qidirish;
• mahsulot bo‘yicha batafsil maʼlumotlar olish, shu jumladan rasmlarini ko‘rish;
• onlayn-NKT xotirasiga yuklangan MXIKlarni tezkorlik bilan topish va ularni chekda ko‘rsatish uchun QR yoki shtrix kodlarni yuklab olish;
• o‘lchov birliklari, operator yoki foydalanuvchi tomondan yaratilgan qadoqlar, tanlangan o‘lchov birliklari hamda qadoq yaratish alohida bo‘limlarda aks ettirildi. Bugungi kunda, mahsulotlar kartochkasi Operator tomonidan tadbirkorlik subyektlari bilan hamkorlikda to‘ldirilib borilmoqda.Mahsulot to‘g‘risidagi maʼlumotlar va biriktirilgan rasmlarda kamchiliklar (xatoliklar) aniqlaganda, yangi funksiya orqali operatorga xabar yuboring.
• MXIKlarni tez va oson topish imkonini beruvchi, “Ehtimol shuni qidirgansiz” xizmatidan foydalanish. Qidiruv natijasida tegishli bo‘lgan birlamchi maʼlumotlar (kodi, nomi, guruhi, o‘lchov birligi, strukturasi, imtiyoz biriktirilganligi, shtrix kodi va b.) aks ettiriladi.
• Keyinchalik sotish uchun EHF orqali olingan tovarlar MXIKlarini onlayn-NKT xotirasida saqlanadigan nomenklaturaga o‘tkazish. Bunda EHF bo‘yicha qabul qilingan tovarlar saytning “Onlayn-NKT nomenklaturasi” bo‘limida tasnif.soliq.uz saytdidagi MXIK kodlari va o‘lchov birliklari (qadoqlar) maʼlumotlari asosida shakllanadi. Tadbirkorlik subyektlari nomenklaturadagi tovarlarni “tahrirlash” tugmasini bosish orqali sotiladigan shaklni o‘zgartirishi mumkin. Shundan so‘ng, barcha sotib olingan tovarlarning nomenklaturasini “Qabul qilinuvchi EHFlardan MXIK kodlarini Onlayn-NKT nomeklaturasiga qo‘shish” tugmachasini bosish orqali Onlayn-NKT xotirasiga o‘tkazish mumkin. Bugungi kunda ushbu tizim ayrim onlayn-NKT modellarida test rejimida ishlamoqda.

Savol va takliflar uchun katalog operatoriga 71-202-32-32 telefoni orqali murojaat qilish mumkin.

“Yangi texnologiyalar” IAM