Болаларнинг шўх кулгуси ва қувноқлиги дарахтларнинг ям-яшил баргларини тебратиб Тошкент вилоятининг Бўстонлиқ туманидаги гўзал тоғлар сари элтади. Ёз фасли – янги таассуротлар ва дам олиш учун энг қулай палла. Ёзги болалар соғломлаштириш оромгоҳларида таътил кунлари ўзига хос, ёрқин ва ҳаёнжонга бой ўтмоқда. Ота-оналар эса ўз фарзандларини фақат синалган масканларга ишониб топширадилар.

        Ана шундай замонавий, шинам ва хавфсиз масканлардан бири – бу Давлат солиқ қўмитаси ҳузуридаги «Hero Camp» («Баркамол» авлод) болалар соғломлаштириш оромгоҳидир. 

        2016 йилда оромгоҳнинг 4,2 гектар ҳудудида тўлиқ реконструкция ишлари олиб борилди. Болаларнинг мазмунли дам олишлари ва соғлиқлари учун барча қулайликлар яратилди. Болажонлар ям-яшил майдонларда мириқиб ҳордиқ чиқаришлари, тоза ҳаводан тўйиб нафас олиб, қуёшда тобланиши мумкин. Алоҳида электр ва сув таъминоти, шунингдек, кузатув камералари ўрнатилиб, ўт ўчириш тизимлари янгиланди.  

        Оромгоҳ флораси ва ландшафти унинг яна бир ўзига хослигидир. Бу ерда табиат гўзаллиги чин дилдан севилади ва қадрланади. Машғулотлар очиқ ҳавода кўркам арчалар, майин акациялар, гўзал павлония ва ҳушбўй ҳинд сиренлари қуршовида ўтказилади. Ёрқин ва ҳушбўй гуллар кўзни қувонтиради. Тоза ҳаво болаларнинг нафас олиш тизимининг нормал ишлашини таъминлаш билан бир қаторда улар иммунитетини оширади.  

        Ҳар бир бўлимда теннис ва стол тенниси, волейбол, баскетбол, сузиш каби спорт машғулотлари билан машғул бўлишлари учун шариотлар яратилган. Китобхонларни кутубхона ва тил тўгараклари илиқ кутиб олади. Болалар вокал ва рақс машғулотларида ўз қобилиятларини намоён қилиши мумкин.

        Бир сўз билан айтганда, болалар таътилни сермазмун ўтказишлари ва истеъдодларини намоён қилишлари, спорт ёки санъат турларида ўзларини синаб кўришлари учун барчаси муҳайё. Бу уларни кўп қиррали шахс сифатида шакллантиради, ўзига ишончи ва иродасини оширади.

        Оромгоҳ 2-мавсумининг дам олувчилари болаларча қатъийят кўрсатиб, очилиш маросими учун ажойиб байрам тадбирини тайёрладилар. Меҳмон сифатида таклиф этилган болалар рақс гуруҳлари, ҳарбий оркестр, А.Навоий номидаги давлат академик катта театри солистлари тадбирни ўз чиқишлари билан безади. Ёш дам олувчилар учун энг ёрқин чиқишлар тайёрланди. Болалар ўзларининг ёз ва Ватан ҳақидаги севимли қўшиқларини куйлашди, рақслар гулдастасида кўп миллатли Ўзбекистоннинг миллатлараро тотувлигини очиб беришди. Шунингдек, ўзлари ёзган инглиз тилидаги шеърларини дўстлари ва ота-оналарига бағишлаб ўқиб бердилар. Истеъдод ва ёшлик ғайрати томошабинлар кўнглидан жой олди.  

        Ассалом, қувноқ ва сермазмун таътил!

Мурожаат учун: «Hero Camp» («Баркамол») Бўстонлиқ тумани (Хондайлиқ қишлоғи)да жойлашган

Дам олувчилар ёши: 7 ёшдан 14 ёшгача

Смена: 12 кун

Телефон рақамлар: +99891 165 74 73, +99897 434 98 22, +99898 125 52 19

https://t.me/Hero_Camp_Uzb