Мамлакатимизда коронавирус пандемияси натижасида карантин эълон қилинган илк кунлардан бошлаб озиқ-овқат ва зарур тиббий маҳсулотлар нархларини сунъий оширилишининнг олдини олиш мақсадида Давлат солиқ хизмати органлари Бош прокуратура ҳузуридаги Департамент билан ҳамкорликда назорат тадбирлари олиб бормоқда.

Жумладан, Давлат солиқ қўмитасининг барча тузилмаларида махсус Штаблар ташкил этилиб, 2 минг 389 нафар ходим бозорлар, савдо комплекслари, дорихоналар ва чакана савдо объектларига бириктирилди.

Нарх-навонинг ўзгаришига тезкор таъсир кўрсатадиган 23 минг 30 та  савдо объекти бўйича алоҳида назорат ўрнатилди.

Шунингдек, фуқаролардан келаётган мурожаатларни тўлиқ қамраб олиш мақсадида Давлат солиқ қўмитасининг 24 соат мобайнида фаолият олиб бораётган “Ишонч телефони” – (71)244-98-98) ва “Call-маркази” (1198) операторлари сони оширилди.

Солиқ органлари ходимлари томонидан фуқароларнинг мурожаатлари назоратга олиниб, мунтазам равишда улар асосида ўрганиш ва назорат-профилактика тадбирлари ўтказилмоқда.

Карантиннинг илк кунларидан бошлаб 31 мартгача нарх-навонинг сунъий равишда ошиб кетишига йўл қўйилаётганлиги юзасидан Давлат солиқ қўмитаси “Ишонч телефони” ва  “Call-маркази”га фуқаролардан жами 14106 та мурожаат келиб тушди.

Жумладан, “Ишонч телефони” орқали 6 520 та мурожаат қабул қилинди. Уларнинг 2 638 таси ёки 40,5 фоизи картошканинг нархи оширилиши ҳолатлари билан боғлиқ.

Бундан ташқари:

 - Ун – 1541 та - 23,6%;

- Тиббий ниқоб, исириқ ва антисептик восита – 1315 - 20,2%;

- Саримсоқ пиёз – 442 - 6,8%;

- Ёғ – 274 та - 4,2%;

- Йўлкира – 86 та - 1,3%;

Бошқа турдаги озиқ-овқат маҳсулотлари бўйича мурожаатлар сони – 1356 та - 20,8%ни ташкил этди.  

Ишонч телефонига қилинган мурожаатларнинг 1129 таси пойтахт – Тошкент шаҳри аҳолисидан келиб тушди. Бу энг катта кўрсаткич. Тошкент вилояти (902) ва Қашқадарё вилояти (763) аҳолиси ҳам нарх-наво оширилиши борасида бошқа ҳудудларга нисбатан кўпроқ мурожаат қилди.  

Бу борада энг кам мурожаат Хоразм вилояти (90), Қорақалпоғистон Республикаси (101) ва Сирдарё вилоятидан (208) келиб тушди.   

Карантин даврида фуқаролар ДСҚнинг “Call-маркзи”га 31 мартгача жами 7 586 маротаба мурожаат қилди. Мурожаатларнинг 4 456 таси ёки 58,7 фоизи картошка нархи оширилиши билан боғлиқ.

Бундан ташқари:

- Ун – 1 804 та - 23,8%;

- Тиббиёт ниқоби, исириқ, антисептик восита – 1 681 та - 22,2%;

- Гўшт 500 та – 6,6%;

- Ёғ – 291 та - 3,8%;

- Йўл кира – 52 та  - 0,7%;

Бошқа турдаги озиқ-овқат маҳсулотлари бўйича мурожаатлар сони –1 772- 23,4%ни ташкил этди.

Call-марказига энг кўп мурожаат Қашқадарё вилоятидан (1024 та) келиб тушган. Тошкент шаҳри (920 та) ваТошкент вилоятидан (905 та) ҳам бошқа ҳудудлардан кўра кўпроқ мурожаат қилинган.

Энг кам мурожаатлар кўрсаткичи Қорақалпоғистон Республикаси (155 та), Хоразм вилояти (220 та) Сирдарё вилояти (293 та) ҳиссасига тўғри келди.

ДСҚ Матбуот хизмати.