– маҳсулот ва хизматларнинг идентификация кодлари (МХИК)ни киритиш учун;
– товар (хизмат)ларнинг штрих кодини киритиш учун.
Давлат солиқ қўмитаси шу муносабат билан солиқ тўловчиларнинг кўплаб саволларга жавоб берди. Бу борада тез-тез учраётган саволларни тақдим этамиз.
Агар my.soliq.uz да маҳсулотни қўшган бўлсам, tasnif.soliq.uz да ҳам танланганга киритиш шартми?
Агар my.soliq.uz да маҳсулот ва хизматларнинг идентификация коди (МХИК) қўшилган бўлса, tasnif.soliq.uz да киритиш шарт эмас. Бу тизимлар ўзаро интеграциялашган.
Электрон ҳисобварақ-фактура шакллантиришда “товар штрих коди” устунини тўлдириш мажбурийми?
ЭҲФ шакллантиришда янги қўшилган “товар штрих коди” устуни фақат ушбу товар (хизмат) штрих коди мавжуд бўлган тақдирда тўлдириш учун киритилган.
Агар товар (хизмат) нинг “штрих коди” мавжуд бўлмаса, тўлдириш шарт эмас.
Янги қўшилган маҳсулотлар ва хизматлар коди (вақтинчалик) кейинчалик ўзгарадими?
Янги қўшилган маҳсулот (хизмат) ларнинг кодлари тегишли таҳлиллар ва ўрганишлардан сўнг автоматик тарзда ўзгаради.
Бунда 10 та рақамли коднинг ўрнига 5 та рақамли код пайдо бўлади ҳамда солиқ тўловчининг товар (хизмат)лар рўйхатида автоматик янгилаш орқали амалга оширилади.
Корхона иккита ташкилотдан бир турдаги товарни иккита МХИК билан харид қилган.
Бунда бир ташкилот мавжуд МХИКни танлаган ва иккинчиси янги МХИКни танлаб ЭҲФ шакллантирилган товарларни реализация қилганда қандай тартиб асосида иш олиб бориш мақсадга мувофиқ?
Бу кодлар бир-бирига ўхшаш товарларга берилган бўлса, ҳеч қандай ноқулайликлар келтириб чиқармайди.
Шунингдек, тест даврида бунга ўхшаш ҳолатлар кузатилиши мумкин.
Кейинчалик янги қўшилган МХИК тегишли ўрганишлардан сўнг янгисига алмаштирилади ва бу жараён автоматик амалга оширилади.
Товарларни сотиш учун харид қилган корхона ўзининг шахсий кабинетида тегишли кодни танлаган ҳолда мавжуд МХИКдан фойдаланиб ЭҲФ шакллантириш тавсия этилади.
Улгуржи савдо бўйича ҳар бир товарларни алоҳида киритиш керакми?
Ёки улгуржи савдо деб киритилса бўладими?
Улгуржи савдода шартномада кўрсатилган ҳар бир маҳсулот ва хизматлар учун идентификация коди
(МХИК)ни алоҳида кўрсатган ҳолда ЭҲФ шакллантирилиши лозим.
Чакана савдода жисмоний шахсларга маҳсулот сотилганида "код" қай тартибда танланади?
"Кондитерлик маҳсулотлари"ни ҳаммасини битта қилиб, битта код билан ўтказса бўладими?
Йўқ, бунда озиқ-овқат ва ноозиқовқат товарлари номи остида янги вақтинчалик МХИК оласиз ёки мавжудларидан фойдаланган ҳолда ЭҲФ расмийлаштиришингиз лозим.
Товарлар (хизматлар) ҳисобварақ-фактура тақдим этмаган ҳолда реализация қилинганда етказиб берувчи ҳар календарь ой якуни билан бир марта умумлаштирилган ҳолда бир томонлама электрон ҳисобварақ-фактурани шакллантиради (ВМ 489-сон қарори).
Бизда 64 турдаги маҳсулот мавжуд. Шу маҳсулотларнинг ҳар бирига алоҳида код олдик, код 7 кунга берилар экан 7 кундан кейин кодни яна янгилашимиз керакми?
МХИК янгиланмайди.
Вақтинчалик берилган код МХИК реестрига киритилади.
Шунингдек МИХК шахсий кабинетингизда автоматик тарзда янгиланади.
Классификатордан маҳсулотларни товар белгиси орқали топиш мумкинми?
Масалан: “Coca-Cola” ёки “Samsung”.
Классификаторда маҳсулотлар товар белгисига боғланмаган.
Маҳсулотларни товар белгисисиз қидириш лозим.
Маcалан: “газланган ичимликлар”, "маиший техника".