Yildan-yilga farovonlashib borayotgan diyorimizda odamlarning bugungi kunidan rozi boʼlib yashashlari uchun tubdan islohotlar amalga oshirilayotir.

Аyniqsa, ularni qiynab kelayotgan muammoli masalalarga yechim topish bugun har bir rahbar oldidagi muhim vazifa.

Davlat soliq qoʼmitasi raisi B.Musaev tomonidan Beruniy tumanining eng chekka hududi boʼlmish “Shimom ovul” fuqarolar yigʼinida sayyor qabul oʼtkazildi.

Sayyor qabul davomida 117 nafar fuqaro tomonidan turli xil mazmundagi 40 murojaat kelib tushdi va ushbu murojaatlarning 23 tasi shu joyning oʼzida hal etildi. Murojaatlar asosan kommunal xizmatlar, ichki yoʼllar, bandlik, soliq va soliq toʼlovlari masalasida boʼldi.

– Davolanish maqsadida order olishim kerakligi haqidagi murojaatimni aytgandim, menga tuman Tibbiyot birlashmasi tomonidan shu yerning oʼzida order rasmiylashtirib berishdi. Rahbarlarning mana shunday chekka ovullarga kelib, bizning xolimizdan xabar olayotganligi va muammoli masalalarimizga ijobiy yechim topib berayotganligidan judayam hursandmiz, – deydi Shahnoza Matmuratova.

Sayyor qabul davomida, shuningdek, sektor rahbarlari tomonidan aholi uchun tashkil etilgan yangi yil oldi bayram yarmarkasi qishloqda hammaga birdek bayram shukuhini ulashdi. Bu yerdagi oziq-ovqat mahsulotlarining bozorga nisbatan ancha arzon narxlarda sotilayotganligi koʼpchilik uchun maʼqul tushdi.

Sayyor qabuldan soʼng oʼz boquvchisini yoʼqotgan hamda kam taʼminlangan oilalarga kundalik oziq-ovqat mahsulotlari va yangi yil sovgʼalari topshirildi.

– Rahbarlardan qabul davomida oʼzim yashab turgan uyimga suv tortish, elektr energiyasini oʼtkazish uchun yordam soʼragandim va ular tez orada hal qilinishini aytishdi. Menga oʼxshagan ijtimoiy taʼminotga muhtoj oilalarga kundalik oziq-ovqat mahsulotlari berildi. Bu biz uchun yangi yil oldi zoʼr sovgʼa boʼldi, – deydi Inobat Аmetova.

Shuningdek, yurtimizda 22 dekabrь kuni oʼtkazilishi kutilayotgan saylov jarayonlari yuzasidan saylov uchastkalarining tayyorgarligi koʼzdan kechirildi.

Аytish mumkinki, oʼtkazilayotgan mana shunday sayyor qabullar bugun yurtimida yana bir bor “Xalq davlat idoralariga emas, davlat idoralari xalqimizga xizmat qilishi kerak” degan hayotiy tamoyillarning amaldagi tasdigʼidir.

Qoraqalpogʼiston Respublikasi davlat soliq boshqarmasi Matbuot xizmati