Налоговый комитет при Кабинете Министров Республики Узбекистан

Оила – руҳий-маънавий қувват манзили

26/02/2020

Тошкент солиқ коллежида Республика “Маърифат” тарғибот жамияти билан ҳамкорликда “Хотин-қизларни тазйиқ ва зўравонликдан ҳимоя қилиш тизимини такомиллаштириш” мавзусида давра суҳбати ташкил этилди.

Унда “Маърифат” тарғибот жамияти фаол аъзоси, халқаро тоифадаги спикер, “Меҳнат шуҳрати” ордени соҳибаси, Ж.Шермуҳаммедова ҳамда Тошкент тиббиёт академияси доценти, “Севимли” телеканали “Саломат бўлинг” дастури бошловчиси, кардиожарроҳ Э.Ризаевлар ўз маърузалари билан иштирок этди.

Халқаро спикер Ж.Шермуҳаммедова маърузани бошлашдан аввал сўзни муҳтарам Президентимиз Ш.Мирзиёевнинг “Аёлни эъзозлаш, аёлга эҳтиром кўрсатиш халқимизга хос олижаноб қадрият ҳисобланади.

Биз, барчамиз қандай касб, қандай лавозимда ишламайлик, қалбимиз, юрагимиздаги жамики эзгу фазилатлар учун сиз, меҳрибон аёллардан умрбод қарздормиз», деган гаплари билан бошлади.

Маърузачи ҳозирги кунда хотин-қизларга тазйиқ ва зўравонлик биринчи навбат оилада келиб чиқаётганлигига алоҳида урғу берди.

“Оила муқаддас, муқаддаслиги шуки, авваламбор қаерда ишлашидан қатъи назар, ким бўлишидан қатъи назар агар оилада тарбия, оилада муҳит, оилада ҳалоллик, муносабат, тарбияга алоҳида эътибор бермаса, ҳеч қачон натижа бўлмайди”.

Семинар давомида Тошкент тиббиёт академияси доценти, Севимли телеканали “Саломат бўлинг” дастури бошловчиси, кардиожарроҳ Э.Ризаев "Соғлом турмуш тарзи" мавзусида маъруза қилди. Маърузада соғлом турмуш тарзи элементлари, уларни қандай амалга оширишга эришиш хақида тушунчалар берди.