O'zbekiston Respublikasi Soliq qo'mitasi

Онлайн-НКМ ёки виртуал касса чек маълумотларини таҳрирлаш

19/04/2021

Солиқ тўловчининг (my.soliq.uz) шахсий кабинетида онлайн-НКМ ва (ёки) виртуал касса орқали чоп қилинган чек суммаларини таҳрирлаш имконияти яратилган.

Онлайн-НКМ ёки виртуал касса чекини таҳрирлаш учун:

1. my.soliq.uz порталида солиқ тўловчининг шахсий кабинети “ЮШ онлайн-НКМ ва виртуал касса маълумотлари” бўлими.

2. “Таҳрирлаш” менюсида чек чоп қилинган савдо шохобчаси ва чекнинг фискал модул рақами танланади ва чек рақами киритилиб, “Қидириш” тугмаси босилади.

3. Кейинги босқичда таҳрирлаш учун чек шаклланади. Чек маълумотларига тегишли ўзгартиришлар киритилади ва “Ҳисоблаш” тугмаси босилади.

(Эслатма: суммада тийин қисми учун НУҚТА “.” қўйилади).

4. Сўнг “zip” ёки “rar” форматда:

• ҚҚС тўловчи сифатида фаолият юритаётган тадбиркорлик субъектлари чекда ҚҚС урилмасдан қолганда – ҚҚС гувоҳномаси илова қилиниши билан кифояланади;

• АОС тўловчи сифатида фаолият юритаётган тадбиркорлик субъектлари чек ҚҚС билан чиқарилган ҳолларда – давлат солиқ хизмати органига АОС тўловчи сифатида фаолият юритаётганлиги тўғрисида маълумот илова қилиниши билан кифояланади;

• Бошқа ҳолатларда давлат солиқ хизмати органига ҳолат юзасидан қилинган мурожаат (ариза) юзасидан олинган жавоб хати ва унга тадбиркорлик субъекти томонидан асослантириб берилган иловалар(ўрганиш маълумотномаси, шохобча фото суръати ва бошқа хужжатлар) илова қилинади;

5. Давлат солиқ қўмитаси томонидан юборилган маълумотлар ўрганиб чиқилиб, ҳолат тасдиқлангандан сўнг, ўзгартирилган чек қабул қилинади ёки рад этилади.

6. Чек маълумотлари ўзгартирилгандан сўнг “Чеклар бўйича ҳисобот” менюсида “Янгилаш” тугмаси орқали чеклар бўйича ҳисобот маълумотлари ўша давр учун янгиланиши лозим.