O'zbekiston Respublikasi Soliq qo'mitasi

“Ўзбекистон – 2030” стратегияси – Солиқ ҳуқуқбузарликлари учун молиявий санкциялар, солиқ имтиёзлари ва ҚҚС қайтариш ҳақида

13/09/2023

Ўзбекистон Республикаси Президентининг “Ўзбекистон – 2030” стратегиясини 2023-йилда сифатли ва ўз вақтида амалга ошириш чора-тадбирлари тўғрисида" қарори қабул қилинди.

ПҚ-300 11.09.2023

Ҳужжатга кўра:

2023-йил 1-октябрдан тадбиркорлик субектларига миқдори 10 млн сўмдан юқори бўлган солиққа оид ҳуқуқбузарликлар учун, агар тадбиркорлик субекти ҳуқуқбузарликни инкор этса, молиявий санкциялар фақат суд тартибида қўлланилади.

2024-йил 1-январдан

“Изланиш ва ривожланиш” (Р&Д) марказлари ташкил этилган кундан бошлаб 3 йил муддатда мол-мулк, ер солиқлари ва ходимлари учун ижтимоий солиқ ставкасини 1% миқдорида тўлайди.
жисмоний ва юридик шахсларга ҚҚСни тўлиқ қайтариб бериш тизими қуйидагилар ҳисобидан кенгайтирилади:

хорижий туристларга – Ўзбекистон халқаро аеропортларида Ўзбекистон ҳудудида сотиб олинган ва “Tax Free” тизими бўйича расмийлаштирилган маҳсулотлар учун;
тур-операторларга – хорижий контрагентлар билан шартномалар доирасида кўрсатилган экспорт хизматлари учун.

“Маҳалла буджети” тизими шаҳар ва туманларда босқичма-босқич жорий этилади.

Бунда туман ва шаҳар бюджетига тушадиган солиқ тушумларининг бир қисми маҳаллаларнинг ижтимоий-иқтисодий муаммоларини ҳал қилиш жамғармаларига йўналтирилади.

Шунингдек, даромади 1 млн сўмдан ошмайдиган фуқароларни даромад солиғидан озод қилиш бўйича қонун лойиҳаси ишлаб чиқиш белгиланди.

Мазкур меёрий ҳужжат амалиётга жорий қилингач 1,3 млнга яқин фуқаро ихтиёрида ўртача бир ойда 84 млрд сўм, 1 йилда қарийб 1 трлн сўмга яқин маблағ қолади.

Стратегик ривожлантириш бошқармаси