Buxoro soliq texnikumi

Buxoro soliq kolleji O‘zbekiston Respublikasi Vazirlar Mahkamasining 2000 yil 13 martdagi «Davlat soliq xizmati organlari faoliyatini tashkil etishni takomillashtirish to‘g‘risida»gi 87-son qarorining bajarish yuzasidan hamda Davlat soliq xizmatini malakali kadrlar bilan ta’minlash maqsadida, O‘zbekiston Respublikasi Vazirlar Mahkamasining 2000 yil 4 maydagi «Buxoro va Farg‘ona shaharlarida O‘zbekiston Respublikasi Davlat soliq qo‘mitasining soliq kollejlarini tashkil etish to‘g‘risida»gi 178-sonli qaroriga asosan tashkil etilgan.

O‘quvchilarni soha bo‘yicha puxta, tabaqalashtirilgan holda o‘qitish, ularning intellektual kamol topishi, ularning qobiliyatlari va kasblarga moyilligiga muvofiq ravishda tanlagan mutaxassisliklarni egallashini ta’minlash kollejning maqsadi hisoblanadi.

 Quyidagilar kollejning vazifalari hisoblanadi:

1) o‘quvchilarning sifatli kasb-hunar ta’limidan foydalanishini ta’minlash;

2) shaxsning izchil intellektual, madaniy va ma’naviy-axloqiy kamol topishga bo‘lgan ehtiyojini qondirish;

3) yoshlarni milliy g‘oyalarga sadoqat va vatanparvarlik ruhida tarbiyalash, mustaqil dunyoqarashga va fikrlashga ega bo‘lgan ma’naviy boy va har tomonlama kamol topgan shaxsni shakllantirish;

4) o‘quvchilarning ta’limning keyingi bosqichlarida o‘qishni davom ettirishi yoki tanlagan kasb va ixtisoslikka muvofiq mehnat faoliyati bilan shug‘ullanishi uchun ularning yuqori darajada sifatli bilimlar olishini va kasbiy tayyorgarligini ta’minlaydigan tarmoq ta’lim standartlari doirasida kasb-hunar dasturlarini amalga oshirish;

5) iqtisodiyot tarmoqlarini, ma’muriy-ijtimoiy sohani zarur yo‘nalishdagi kasb-hunar ta’limiga ega bo‘lgan, Davlat soliq xizmati organlariga mos, o‘z kasbiga sodiq, kadrlar bilan eng yuqori darajada ta’minlash.

To‘liq nomi: O‘zbekiston Respublikasi Davlat soliq qo‘mitasi Buxoro soliq kolleji

Qisqacha nomi:  BSK;

Tartibga soluvchi normativ-huquqiy  hujjatlar:

• “Davlat soliq xizmati to‘g‘risida”gi O‘zbekiston Respublikasining Qonuni;
• “Ta’lim to‘g‘risida” gi O‘zbekiston Respublikasining Qonuni;
• “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida” gi O‘zbekiston Respublikasi Prezidentining Farmoni;
• Kollejning namunaviy nizomi;