Жорий йил 13 июль ҳолатига 101,5 минг нафардан зиёд фуқаро Soliq мобил иловаси орқали ва my.soliq.uz сайтида рўйхат ўтиб, ўзини ўзи банд қилиш мақомини танлади. 

Фаоллик кўрсатган аҳоли:

Бухоро вилояти – 16 508 нафар шахс;

Наманган вилояти – 14 629 нафар шахс;

Самарқанд вилояти – 13 488 нафар шахс;

Тошкент ш. – 11 812 нафар шахс;

Фарғона вилояти – 7 945 нафар шахс.

Ўзини ўзи банд қилган шахслар орасида (67 та фаолият туридан) оммабоп йўналишлар:

– маиший хизмат соҳасида (сартарошлик, маникюр, косметология, педикюр, уйда кир ювиш ва дазмоллаш, калитлар ясаш, пойабзал тикиш, таъмирлаш, бўяш ва бошқалар) – 29 762 (+15 469 ҳафталик кўрсаткич билан солиштирганда) нафар шахс ўзини ўзи банд қилган;

– халқ истеъмоли моллари ишлаб чиқариш ва хизматлар кўрсатиш соҳасида (нон сотиш, уйда поп-корн, музқаймоқ, салатлар, салқин ичимликлар, айрон, гўжа тайёрлаш, деҳқон бозорларида қишлоқ хўжалиги маҳсулотларини сотиш) – 20 436 (+10 501) нафар фуқаро ўзини ўзи банд қилган;

– қишлоқ хўжалиги соҳасида хизмат кўрсатишда (чорва молларини ўтлатиш, уларни парвариш қилиш, қишлоқ хўжалик ўсимликларини экиш ва парвариш қилишда томорқа эгаларига ёрдам бериш) – 18 745 (+ 11 676) нафар шахс ўзини ўзи банд қилган;

– саноат соҳасида хизмат кўрсатиш (ёғоч меъморчилиги, сантехника, электромонтаж ишлари, макулатура, пластик идиш, темир-терсак ва бошқа қўшимча хомашё тўплаш) билан – 16 388 (+ 10 282) нафар ўзини ўзини ўзи банд қилган фуқаро рўйхатга олинган;

– ижтимоий хизмат соҳасида (уйда репетиторлик қилиш, болаларга қараб туриш ва уларни парваришлаш, уй хўжалигини юритиш, хоналарни тозалаш, халқ табобати) – 14 594 (+ 9 069) нафар фуқаро рўйхатга олинган.

– АКТ соҳасида хизмат кўрсатишда (ижтимоий тармоқлардаги фаолият, дастурий таъминот, мобил иловалар ва веб сайтлар ишлаб чиқиш, матнни яратиш ва ишлов бериш) 1 617 (+846) нафар фуқаро ўзини ўзи банд қилган.

Эслатиб ўтамиз, ўзини ўзи банд қилган шахс мақомига эга бўлиб, ижтимоий солиқ тўлангандан сўнг (2020 йил учун 111 500 сўм) фуқарога меҳнат стажи ва пенсия ҳисобланади. Ижтимоий солиқ суммаси тўлиқлигича бюджетдан ташқари Пенсия жамғармасига йўналтирилади.

ДСҚ Матбуот хизмати