Ayni daqiqalarda O‘zbekiston Respublikasi Prezidentining tadbirkorlar bilan Ochiq muloqotiga tayyorgarlik ko‘rish doirasida oziq-ovqat mahsulotlari ishlab chiqarish sohasida faoliyat yurituvchi tadbirkorlar bilan uchrashuv bo‘lib o‘tmoqda.
Unda mutaxassislar va tadbirkorlarning sohadagi mavjud muammolar va ularning yechimi bo‘yicha takliflari tinglanmoqda.
Uchrashuvda Soliq qo‘mitasi Raisi Sh.Kudbiyev va boshqa tegishli vazirlik hamda idoralar rahbariyati ishtirok etmoqda.
Noto‘g‘ri to‘ldirilgan elektron TTY uchun hech kim jazolanmaydi
Soliq qo‘mitasi Raisi Sherzod Kudbiyev elektron TTYni noto‘g‘ri to‘ldirganlik uchun hech kim jazolanmasligini yana bir bor ta’kidladi. Shuningdek, u elektron TTYni Soliq mobil ilovasidan 3 ta harakatda to‘ldirish imkoniyatini yaratish ustida ish olib borilyotganini ham ma’lum qildi.
180 kunlik debitor qarzdorlik bo‘yicha ayrim unikal holatlarga personal yondashiladi
"180 kunlik debitor qarzdorlik hammaga bir xil bo‘ladi. Ayrim unikal holatlarda chet elga buryurtma qilingan uskunalar ishlab chiqarish muddati uzoq bo‘lishi mumkin. Bunday holatlarga personal yondashiladi. Bunda tegishli idoralar bilan birga 180 kunlik qoidani qo‘llamaslik bo‘yicha xulosa beriladi." Soliq qo‘mitasi Raisi Sherzod Kudbiyev
Mahsulotlarni markirovkalash kontrafakt mahsulotlarga qarshi kurashishning mukammal tizimi
Soliq qo‘mitasi Raisi Sherzod Kudbiyev oziq-ovqat mahsulotlari ishlab chiqarish sohasidagi tadbirkorlar bilan uchrashuvda kontrafakt mahsulotlarga qarshi kurashish tizimini joriy etishni taklif qilgan tadbirkorga minnatdorlik bildirdi. U mahsulotlarni markirovkalash aynan shunday tizim ekanligini ta’kidladi.
E'tirof
Uchrashuvda “Perfekt invest biznes” korxonasi vakili U.Sultonov tadbirkorlar 10 yil oldin soliqchilar kelishidan qo‘rqib turishini, hozirgi kunda soliq tizimining tartibga tushganini alohida ta’kidlab o‘tdi.
Raqamlashtirishdan maqsad soliq yig‘ish emas, shaffoflikni ta’minlash
Soliq qo‘mitasi raisi Sh.Kudbiyev o‘zini o‘zi band qilgan shaxslarni ro‘yxatdan o‘tkazish rasmiy bandlikni oshishiga xizmat qilayotganini ta’kidladi.
Davlat miqyosida aholi daromadli mehnat bilan band bo‘lmoqda, degan tushuncha shakllanmoqda. Bu yil 1,6 mln nafar odam o‘zini o‘zi band qilgan shaxs sifatida ro‘yxatdan o‘tdi. Bu yerda uyida issiqxona qilganlar bor, haydovchilar bor… hammasi shuni ichida. O‘zbekistondagi rasmiy sektor oshyapti. Ular daromad solig‘i to‘lamaydi ularning imtiyozi bor, lekin bozor oqaryapti. Bu orqali baholashga to‘g‘ri axborot yig‘ilyapti.
Avtokameral orqali 580 trln so‘mlikdan ortiq xatolar to‘g‘rilandi
Sherzod Kudbiyev:
"Avtokameral juda to‘g‘ri tizim. U orqali 580 trln so‘mlikdan ortiq xatolar to‘g‘rilandi. Avtokameralda xato chiqmayotgan tashkilotlar ulushi ortib boryapti. Avtokameral ikkita manbadagi raqamni bir biri bilan taqqoslaydi xolos, o‘zi hech narsa o‘ylab topmaydi."
