O‘zbekiston Respublikasi Vazirlar Mahkamasi huzuridagi Soliq qo‘mitasi

ҚҚСни қайтариш бўйича ҳужжатларни электрон тартибда тақдим этиш ҚЎЛЛАНМАСИ

06/05/2020

Солиқ тўловчиларга ноль даражали ставкани қўллаш натижасида ҳосил бўлган қўшилган қиймат солиғининг ортиқча суммасини солиқ тўловчининг банкдаги ҳисобварағига қайтариш бўйича ҳужжатларни электрон тартибда тақдим этиш
Қ Ў Л Л А Н М А С И

1. Электрон солиқ хизматлари портали – my.soliq.uz.орқали солиқ тўловчининг шахсий кабинетига кирилади.

2. Ҳисоботларни электрон юбориш бўлимидан “Қўшилган қиймат солиғи ҳисоботлари” танланади.

3. Ушбу бўлимдан “Қўшилган қиймат солиғи ноль ставкаси бўйича ортиқча суммани қайтариш” танланади.

4. Низомнинг 1-иловаси Ариза шакли кўк рангдаги қаторлар, яъни давр, сумма (сон билан ва сўз билан) белгиланган тартибда тўлдирилади.

5. Низомнинг 2-иловаси “Товарларни экспорт қилинганлиги ва валюта келиб тушганлиги тўғрисида маълумот” шаблонни юклаб олиш орқали тўлдирилади.

6. Шаблон юклаб олингандан сўнг, илова шакли белгиланган тартибда тўлдирилиб, сақланади ва “Файлни танланг” тугмаси орқали сақланган файл бириктирилади. Низомнинг 3-иловаси “Йўловчилар, багажлар, юклар ва почтани халқаро йўналишда ташиш бўйича ягона халқаро ташиш ҳужжатлари РЕЕСТРИ” ҳам ҳудди шу тартибда бириктирилади.

7. Низомнинг 4- ва 5-иловаси “Солиқ тўловчининг банкдаги ҳисобварағига қайтариладиган ҚҚС ортиқча суммасининг ҲИСОБ-КИТОБИ” ва “Сув таъминоти, канализация, иссиқлик таъминоти ва санитария тозалаш бўйича хизматларни кўрсатувчи коммунал корхоналарнинг банк ҳисобварағига қайтариладиган ҚҚС ортиқча суммасининг ҲИСОБ-КИТОБИ” шаклининг кўк рангдаги қаторлари тўлдирилади.