Маълумки бугунги кунда мамлакатимизда COVID-19 пандемияси туфайли эълон қилинган карантин шароитида автомобиллар ҳаракатланишининг aлоҳида тартиби жорий этилган.
Шу сабабли, бозорлар ва мавжуд савдо нуқталаридан узоқ ҳудудда яшовчи аҳолига озиқ-овқат, қишлоқ хўжалиги маҳсулотларини ўз вақтида етказиб бериш мақсадида давлат солиқ хизмати органлари томонидан бошқа мутасадди ташкилотлар билан ҳамкорликда кўчма ва махсус савдо ярмаркалари ташкил қилинмоқда.
Хусусан, ўтган вақт мобайнида республика бўйича аҳоли яшаш жойларида жами 4 минг 862 та, шундан 2286 та кўчма ва 2576 та муқим асосий турдаги озиқ-овқат маҳсулотлари савдоси ярмаркалари ташкил қилинди.
Биргина, жорий йилнинг 9 апрель куни Қорақалпоғистонда жами 185 та шундан 39 та кўчма ва 146 та муқим, Андижонда жами 1348 та (535 та кўчма ва 813 та муқим), Бухорода 537 та (358 та кўчма ва 179 та муқим), Жиззахда 109 та (63 та кўчма ва 46 та муқим), Қашқадарёда 417 та (178 та кўчма ва 239 та муқим), Навоийда 166 та (41 та кўчма ва 125 та муқим), Наманганда 146 та (134 та кўчма ва 12 та муқим), Самарқандда 631 та (194 та кўчма ва 437 та муқим), Сурхондарёда 63 та (48 та кўчма ва 15 та муқим), Сирдарёда 48 та (34 та кўчма ва 14 та муқим), Тошкент вилоятида 289 та (226 та кўчма ва 63 та муқим), Фарғонада 533 та (360 та кўчма ва 173 та муқим), Хоразмда 337 та (56 та кўчма ва 281 та муқим) ва Тошкент шаҳрида 53 та (20 та кўчма ва 33 та муқим) савдо ярмаркалари ташкил этилди.
Мазкур кўчма ва муқим ярмаркаларда аҳолига қишлоқ хўжалиги ва озиқ-овқат маҳсулотлари арзонлаштирилган нархларда етказиб берилмоқда.
Ушбу ярмаркаларни ташкил қилиш бўйича жойларда кўчма савдо ва таъминот гуруҳлари тузилиб, унга маҳаллий ҳокимликлар, прокуратура, ички ишлар, солиқ, маҳалла ва оилани қўллаб-қувватлаш идоралари, деҳқон бозорлари ва бошқа мутасадди ташкилотлар жалб этилган.
Таъминот гуруҳларига эса деҳқон бозорлари, маҳаллий ишлаб чиқарувчилар, улгуржи ва чакана савдо тармоқлари ҳамда фермер хўжаликлари бириктирилиб, ҳар бир маҳсулотни етказиб беришнинг графиклари ишлаб чиқилган.
Амалга оширилаётган кўчма бозордан сотувчи ҳам ҳаридор ҳам мамнун. Республикамиз бўйлаб ҳудудларда аҳолига қулайлик яратиш мақсадида кўчма ва муқим савдо ярмаркалари ташкил қилиниши давом этмоқда.
ДСҚ Матбуот хизмати