Жанубий Кореянинг Тегу (Daegu) университети Халқаро муносабатлар департаменти бош менежери Пак Донгвон бошчилигидаги делегация Тошкент солиқ коллежига ташриф буюрди.
Кореялик
меҳмонлар коллежнинг ўқув жараёнлари, ахборот-ресурс маркази, таълим-тарбия
олаётган бўлажак солиқчиларга яратиб берилган шарт-шароитлар билан яқиндан
танишди.
Ташриф доирасида коллеж педагог жамоаси ва ўқувчи-ёшлари билан учрашув ташкил этиди. Унда таълим соҳасидаги ҳамкорлик муносабатлари, ўзаро тажриба алмашиш ҳамда солиқ тизимида малакали мутахассисларини тайёрлашда Корея тажрибасидан фойдаланиш каби масалалар муҳокама этилди.
Жанубий Кореяда 1956 йилда йилда ташкил этилган биринчи махсус таълим муассасаси бош менежер Пак Донгвон ёшларга Тегу(Daegu) университети фаолияти, дунёдаги 200дан ортиқ таълим маскани билан ўрнатилган ҳамкорлик алоқалари ҳақида батафсил маълумотлар бериб, ўқувчиларнинг саволларига батафсил жавоблар қайтарди.
Шунингдек, давлатларимиз
ўртасидаги икки томонлама кенг кўламли ижтимоий-иқтисодий ҳамкорлик мустаҳкамланаётган бугунги кунда
бошқарув, таълим, кадрлар алмашинуви каби ўзаро ҳамкорлик дастурларини ҳаётга
татбиқ этиш, тажриба ўрганиш, натижали лойиҳаларни амалга ошириш борасида
келишиб олинди.
Самимий учрашув сўнгида солиқ
коллежида Корейс ўқув марказини ташкил қилиш ва фаолиятини йўлга қўйиш бўйича
таклиф маъқулланди ва уни амалга ошириш бўйича аниқ вазифалар белгилаб олинди.