O‘zbekiston Respublikasi Vazirlar Mahkamasi huzuridagi Soliq qo‘mitasi

ЯТТлар солиқлар ҳисобланишини тўхтатиб туриши мумкин

15/04/2020

Ўзбекистон Республикаси Президентининг 2020 йил 3 апрелдаги ПФ-5978-сонли Фармонига асосан карантин тадбирлари даврида ўз фаолиятини тўхтатишга мажбур бўлган якка тартибдаги тадбиркорлар учун қатъий белгиланган даромад солиғи ва ижтимоий солиқни ҳисоблашни тўхтатиш белгиланди.

Бунда, фаолиятни тўхтатганлик тўғрисида солиқ тўловчининг шахсий кабинети орқали давлат солиқ хизмати органлари хабардор қилиниши ва давлат рўйхатидан ўтказилганлик тўғрисида гувоҳномани топшириш талаб этилмаслиги қайд этилган.

Фармон ижросини таъминлаш мақсадида, Давлат солиқ қўмитаси my.soliq.uz сайтида якка тартибдаги тадбиркорлар томонидан “Карантин даврида солиқлар ҳисобланишини тўхтатиб туриш тўғрисида хабарнома юбориш” интерактив хизмати яратилди.

Мазкур хизматдан фойдаланиш учун:

1. Якка тартибдаги тадбиркор электрон рақамли имзо орқали my.soliq.uz сайтидаги шахсий кабинетига киради ҳамда “Карантин даврида солиқлар ҳисобланишини тўхтатиб туриш тўғрисида хабарнома юбориш” хизматини танлайди.

2. Ойнада шаклланган “Карантин тадбирлари даврида солиқлар ҳисобланишини тўхтатиб туриш тўғрисидаги Хабарнома”да тадбиркорлик фаолиятини тўхтатган санани киритади ва юбориш тугмасини босади.

Якка тартибдаги тадбиркор хабарномани юборганидан сўнг солиқ органларининг маълумотлар базасида хабарномада кўрсатилган ойдан эътиборан ҳисобланган қатъий белгиланган даромад солиғи ва ижтимоий солиқнинг ҳисобланиши тўхтатилади.