Ишга қабул қилиш тартиби ва яратилган шароитлар

Ўзбекистон Республикаси Вазирлар Маҳкамаси ҳузуридаги солиқ қўмитаси Сизни давлат солиқ хизмати органларидаги бўш иш ўринларига таклиф қилади.

Давлат солиқ хизмати органларига ишга қабул қилиш Ўзбекистон Республикасининг Меҳнат кодекси ва Вазирлар Маҳкамасининг 2019 йил 17 апрелдаги 320-сонли қарори билан тасдиқланган “Давлат солиқ хизмати органлари фаолиятини янада такомиллаштириш чора-тадбирлари тўғрисида” низомга мувофиқ амалга оширилади.

Давлат солиқ хизмати органларидаги бўш иш ўринлари (вакант лавозимлар) тўғрисидаги маълумотлар:

- “Ягона миллий меҳнат тизими” идоралараро дастурий-аппарат комплексидан фойдаланган ҳолда “Давлат фуқаролик хизматчилари вакант лавозимларининг ягона очиқ портали” (vacancy.argos.uz) дастурий-аппарат комплексига;

- Давлат солиқ қўмитасининг расмий веб-сайтига ва ижтимоий тармоқлардаги эълон саҳифаларига жойлаштирилади.

Эҳтиёждан келиб чиқиб, оммавий ахборот воситалари ва даврий нашрларда жойлаштирилиши ҳам мумкин.

Ёши, миллати, жинси, ижтимоий келиб чиқиши, мулкий ва мансаб мавқейидан қатъий назар, ўзларининг касбий, ишбилармонлик, шахсий ва ахлоқий фазилатлар ҳамда маълумот даражасига эга, шуниндек, давлат фуқаролик хизмати лавозимини эгаллаш ҳуқуқи қонунчилик билан чекланмаган ва тегишли лавозимни эгаллаш учун малака талабларига жавоб берадиган Ўзбекистон Республикаси фуқаролари давлат солиқ хизмати органларига очиқ мустақил танлов орқали ишга қабул қилинади.

Қўшимча маълумот олиш учун телефонлар:

(71) 244-98-17

(71) 202-32-82

           

Давлат солиқ хизмати органларига Ёш мутахассисларни танлаш ДАСТУРИ