“Elektron hukumat” tizimida ishtirok etish
Soliq maʼmurchiligini raqamlashtirish: zarurat va istiqbol
Bugun IT texnologiyalarni davlat soliq xizmati organlariga izchil joriy etish boʼyicha keng koʼlamli ishlar amalga oshirildi.
Oʼtgan davr mobaynida soliq maʼmurchiligining biznes jarayonlari qayta koʼrib chiqilishi natijasida davlat soliq xizmati organlarida mavjud axborot tizimlar muntazam ravishda takomillashtirildi.
Mazkur loyihalar Jahon banki va Rossiya Federatsiyasining Federal soliq xizmati texnik koʼmagida hayotga tatbiq etildi. Аyni jarayonda Janubiy Koreya, Ozarbayjon, Xitoy mutaxassislari bilan hamkorlikda muhokama qilinib, kelgusidagi harakatlar strategiyasi ishlab chiqildi.
Davlat soliq qo'mitasi tomonidan bugungi kunda 45 turdagi interaktiv va elektron soliq xizmatlari portali joriy qilingan. Ushbu xizmatlar 2019 yil davomida soliq toʼlovchilar tomonidan jami 400 mln. marotabadan ortiq foydalanildi.
Soliq toʼlovchilarga qulay sharoitlar yaratish, ularni ortiqcha soliq yukidan ozod qilish soliq organlari uchun ustuvor vazifa sanaladi. Shu maʼnoda, 2019 yil 1 sentabrdan Davlat soliq qo'mitasi rasmiy veb-saytining yangi talqini ishga tushirildi. Sayt orqali soliq idoralari faoliyatiga doir eng dolzarb va yangi maʼlumotlar bilan tanishish, elektron xizmatlarning barcha turidan foydalanish mumkin.
Bugungi kunda, davlat soliq xizmati organlarida mehnat qilayotgan 10 mingdan ortiq xodimlar mavjud axborot tizimlari va dasturiy mahsulotlaridan samarali foydalanmoqdalar. Davlat soliq qo'mitasi 50 dan ortiq vazirlik va idoralar bilan axborot almashuv tizimlarini yo'lga qo'ygan va bu orqali shakllangan maʼlumotlarni qayta ishlash orqali soliq solish bazasini kengaytirilmoqda.
Bugungi kunda hukumatimiz tomonidan soliq maʼmuriyatchiligiga zamonaviy IT texnologiyalarini joriy etish hisobiga soliq toʼlovchilarga koʼrsatilayotgan xizmatlar sifatini yaxshilash, tadbirkorlarga yengilliklar yaratish, soliqqa tortiladigan bazani kengaytirish va soliqlarning yigʼuvchanligini oshirish davlat soliq xizmati organlarining dolzarb vazifalari etib belgilanmoqda.
Shu munosabat bilan oʼtgan yil davomida soliq organlari tomonidan rasmiy veb saytining yangi talqini, elektron hisobvaraq-fakturalar, onlayn nazorat kassa mashinalari, tadbirkorlik subʼektlarning soliqqa oid huquqbuzarliklari toʼgʼrisida xabardor qilish imkonini beruvchi veb-portal va soliq toʼlovchilar uchun bir qator elektron davlat xizmatlari yoʼlga qoʼyildi.
Аyni paytda maʼlumotlarni qayta ishlash markazini modernizatsiyalash, tarmoq tezligini oshirish, kompyuter va printerlar parkini yangilash, tizimli dasturiy taʼminotlarni kengaytirish, soliq toʼlovchilar uchun qulay boʼlgan xizmatlar sonini koʼpaytirish va ularni mobil versiyaga oʼtkazish, zamonaviy biznes tahlil BI – Business Intellegence tizimidan foydalanishni yoʼlga qoʼyish loyihalarini amalga oshirmoqdamiz.
Oʼzbekistonning “Elektron hukumat” tizimi arxitekturasida davlat soliq xizmati organlari “Soliq” axborot tizimlari kompleksi va Davlat soliq qoʼmitaning soliq.uz rasmiy vebsati bilan ifodalangan.
"Elektron hukumat" tizimi arxitekturasi
Oʼzbekiston Respublikasi Prezidentining 2013 yil 27 iyundagi “Oʼzbekiston Respublikasining Milliy axborot-kommunikatsiya tizimini yanada rivojlantirish chora-tadbirlari toʼgʼrisida”gi Qarori bilan “Elektron hukumat” tizimida axborot tizimlari va maʼlumotlar bazalarini yaratish boʼyicha loyihalar va tadbirlar roʼyxatiga kiritilgan “Soliq” axborot tizimlari kompleksini soliq sohasida elektron xizmatlarni taqdim etish uchun integratsiya qilish” loyihasi muvaffaqiyatli amalga oshirilgan.
Bugungi kunda davlat soliq xizmati organlari tomonidan koʼrsatilayotgan elektron xizmatlarning soni 45 taga yetkazildi.
Shu bilan birga, soliq toʼlovchining shaxsiy kabineti orqali soliqlarni toʼlash amalga oshirilmoqda hamda qonunchilikda koʼzda tutilgan 12 turdagi elektron hujjatlar va 27 turdagi hisobotlar yuborilmoqda.
Davlat soliq xizmati organlari bilan tadbirkorlik subʼektlari va aholining oʼzaro hamkorligi samaradorligini yanada oshirish, maqsadida soliq toʼlovchining shaxsiy kabineti hamda elektron xizmatlaridan foydalanish imkoniyatini beruvchi rasmiy soliq.uz vebsaytining yangi talqini 2019 yil 1 sentabrdan boshlab Davlat soliq qoʼmitasining 2019 yil 15 avgustdagi 210-sonli buyrugʼiga asosan joriy etildi.
Soliq toʼlovchilar oʼz soliq majburiyatlarini ixtiyoriy bajarishi uchun maqbul shart-sharoitlar yaratish maqsadida elektron xizmatlar quyidagi talablarga asosan ishlab chiqiladi:
· Foydalanuvchilarning ehtiyojlarini inobatga olish
· Elektron xizmatlarni uzluksiz taqdim etish
· Foydalanuvchilarga tushuntirishlar berish
· Elektron xizmatlarni dolzarbligini taʼminlash
· Idoralararo hamkorlikdan foydalanish
· Xizmat koʼrsatilishida texnik koʼmaklashish va maslahat berish
· Yagona identifikatorlardan foydalanish
· Xizmatlarni foydalanuvchilar tomonidan baholash
· Аxborot xavfsizligini taʼminlash
· Interfeysni yagona uslub va dizaynda yaratish
Interaktiv xizmatlardan kelib tushgan elektron arizalarni ijro qilish yuzasidan doimiy vertikal nazorat Elektron hujjat aylanish tizimi orqali olib borilishi taʼminlangan.
Xozirgi paytda soliq toʼlovchilarga real vaqt rejimida keng koʼlamli interaktiv xizmatlar koʼrsatilishini tashkil etish maqsadida 10 dan ortiq yangi loyihalar amalga oshirilmoqda. Bu qatorda:
Onlayn maslahatchi: hayotdagi holatlar yuzasidan maslaxat berish (yagngi elektron xizmat)
Oʼz faoliyatini mustaqil tekshirish (yagngi elektron xizmat)
Soliq nizolarni koʼrib chiqish (yagngi elektron xizmat)
Soliq toʼlovchini uning soliq majburiyatlari toʼgʼrisida shaxsiy kabinet orqali xabardor qilish (yagngi elektron xizmat)
Eksterritorial printsipida xizmat koʼrsatish tizimini joriy etish
Soliq toʼlovchining shaxsiy kabinetini yangilash
QQSning ortiqcha summasini qaytarish (yagngi elektron xizmat)
Jamoatchilik fikrini oʼrganish tizimini joriy etish
YaTTlarning yollangan xodimlarni roʼyxatdan oʼtkazish (yagngi elektron xizmat) va boshqalar.