Ўзбекистон Республикаси Вазирлар Маҳкамаси ҳузуридаги Солиқ қўмитаси

Янгиланган мобил илова

2022 йил 1 январдан бошлаб янгиланган «Солиқ» мобил иловасида жисмоний шахслар учун «Кешбэк» ва «Солиқ ҳамкор» бўлимлари пайдо бўлди.

«Кешбэк» – бунда истеъмолчилар QR-кодли харид чекларини рўйхатдан ўтказиб, ой охирида харидлар миқдорининг 1 фоизига эга бўлади.

«Солиқ ҳамкор» – назорат-касса техникаларидан фойдаланиш тартиби бузилганлиги тўғрисида хабар бериш учун. Кешбэк суммаси ҳар ойда чек рўйхатдан ўтган ойдан кейинги ойнинг 25-кунидан кейин тўлаб берилади.

Мобил илова ушбу давр мобайнида унинг интерфейси оптималлашиб фойдаланувчилар учун қулайроқ ва соддароқ кўринишга келтирилмоқда.

Мобил илова Android / iOC / Harmony OS каби операцион тизим фойдаланувчилари учун мавжуд.

Йил бошидан буён фойдаланувчилар сони бир миллиондан ошди. Ҳозирда мобил иловада жисмоний шахслар мол-мулк солиғи ва ер солиғини тўлашлари мумкин (мулк эгасининг ЖШШИР коди орқали). FACE ID – чекни рўйхатдан ўтказган шахснинг қўшимча идентификаторидир. Жараён оддий: ЖШШИР киритиш ва юзни тўлиқ кўринишда суратга олиб маълумотларни текшириш учун юбориш лозим. Муваффақиятли авторизациядан сўнг, шахс тасдиқланади.

Шунингдек, иловага ўзини-ўзи банд қилиши, талабалар учун ижара шартномаларини рўйхатдан ўтказиш ва автотранспорт воситаларини ижарага бериш функциялари қўшилди.

Солиқлари тўлаш

Жисмоний шахсларга қулайлик яратиш мақсадида қуйидаги солиқ турлари бўйича қарздорлик ҳақида маълумот олиш ва тўловларни амалга ошириш имкони яратилган:

жисмоний шахслар учун мол-мулк ва ер солиқлари,
жисмоний шахсларнинг мол-мулкни ижарага беришдан олинган даромадлари бўйича даромад солиғи,
жами йиллик даромад тўғрисидаги декларация тақдим этиш асосида ЖШШОДС,
ЯТТ ва ўзини ўзи банд қилган шахслар учун ижтимоий солиқ,
ЯТТ қатъий белгиланган даромад солиғи,
пеня.

Тўловни амалга оширишдан олдин кўчмас мулк (ер участкаси) эгасининг ЖШШИРи кўрсатиш, ўзини ўзи банд қилган шахслар учун эса FACE ID орқали авторизациядан ўтиш кифоя. Тизим автоматик равишда мавжуд қарздорлик ёки унинг йўқлигини акс эттиради. Тўлов амалга оширилгандан сўнг барча тушумлар “Тўланган солиқлар тарихи” бўлимида сақланади.

Туризм учун кешбэк

“Ўзбекистон бўйлаб саёҳат қил!” дастури доирасида “туризм учун кешбэк” платформаси ишга туширилган. Шунга кўра, маҳаллий сайёҳлар республика бўйлаб саёҳат қилиш учун сарфланган харажатларнинг 15-50 фоизини қайтариб олишлари мумкин.

Платформа фойдаланувчилари учун қулайлик яратиш мақсадида «Солиқ» мобил иловасининг (Андроид / iOS) кешбэк тўлаш тизимидан фойдаланилди.

Сарфланган маблағларни ҳисобга олиш учун фойдаланувчилар транспорт ва жойлаштириш воситалари хизматларидан фойдаланганлик ҳамда маданият ташкилотларига ташриф буюрганлик учун берилган чекларни (QR-кодини) сканерлаши керак.

Барча чеклар сканерлангандан сўнг, тўпланган кешбэк суммаси автоматик тарзда ҳисобга олинади ва белгиланган муддатда иштирокчининг шахсий банк картасига ўтказилади.

TaxFree

- чет эл фуқаролари томонидан Ўзбекистон ҳудудида харид қилинган товарлар учун ҚҚСни қайтариш тизими.

Мобил иловада чекларни сканерлагандан сўнг Тошкент, Самарқанд, Бухоро, Фарғона ва Урганч халқаро аэропортларида Тах Фреэни расмийлаштириш мумкин.

Тизим орқали ҚҚС солиғини қайтариш татбиқ этиладиган товарлар рўйхати

Ота-оналар учун солиқларни тўлаш — Face ID орқали авторизациядан ўтгандан сўнг тизимда автоматик равишда фойдаланувчининг ота-онаси ҳақидаги тўлиқ маълумотлар шаклланади.

Фуқароларнинг ер ва мол-мулк солиқларидан қарзи йўқлиги тўғрисидаги маълумотномани онлайн олиш.

Айрим маҳсулотлар хариди учун ҚҚС қайтарилади.

«Ижтимоий ҳимоя ягона реэстри»га киритилган жисмоний шахслар учун 12% ҚҚС қайтарилади

2023 йил 1 майдан «Ижтимоий ҳимоя ягона реэстри»га киритилган жисмоний шахслар чакана савдо объектларидан гўшт, тухум ва ўсимлик ёғи сотиб олганда харид суммасидан 1% миқдордаги кешбек ўрнига, 12% ҚҚС қайтарилади.

ҚҚСни қайтариб олиш учун «Ижтимоий ҳимоя ягона реэстри»даги истеъмолчи Soliq мобил иловасини юклаб олиб, FACE IDорқали рўйхатдан ўтиши ҳамда иловада харид чекининг QR-кодини сканер қилиши лозим.

«Қуёшли хонадон» хизмати

Умумий қуввати 50 кВт гача бўлган қуёш панелларини ўрнатган жисмоний шахсларга ўз истеъмолидан орттириб ягона электр энергетика тизимига узатилган электр энергиясининг ҳар бир киловатт-соатига Давлат буджетидан 1000 сўмдан субсидия ажратилади. Субсидия ҳар ойда Солиқ мобил иловаси орқали ҳисобот ойидан кейинги ойнинг 25-санасига қадар фуқароларга тўлаб берилади.

Солиқ мобил иловаси – Йил бренди

Солиқ мобил иловаси "Йил бренди – 2022" танловининг ИТ йўналишида энг кўп овоз тўплаб ғолибликни қўлга киритди.

Ўзининг 20 дан ортиқ хизматларини қулай, тез ва осон тақдим этиб келаётган иловага фойдаланувчилар томонидан 16 530 овоз берилди. Шунингдек, илова экспертлар овозига кўра ҳам танлов ғолиби деб топилди.

1.3.11 версия

️"Қуёшли хонадон" субсидияси ва Ижтимоий кешбек суммаларини ТахПай* тўлов тизими орқали банк карталарига ўтказиш имконияти яратилди.

️"Қуёшли хонадон" бўлимида қуёш панели орқали ягона электр энергетика тизимига узатилган электр энергияси ҳажмини янгиланган диаграмма орқали кузатиб бориш мумкин;

"Қуёшли хонадон" субсидияси ҳамда Ижтимоий кешбек суммаларини илованинг "Кешбек" бўлимидаги "Картага пул ўтказиш" ойнаси орқали банк картасига ўтказиб олишингиз мумкин.

*Tax Pay – "Солиқ-сервис" ДУК томонидан "Солиқ" мобил иловаси орқали нақдсиз пул ўтказмаларини ҳамда хизматлар учун тўловларни амалга ошириш учун ишлаб чиқилган тўлов тизими.

1.4.2 версия

"Ортиқча тўловни қайтариш"

"Солиқ имтиёзини қайтариш". Энди Солиқ мобил иловаси орқали ҳам "контракт", нодавлат мактаб ва мактабгача таълим ташкилотлари ҳамда ипотека кредитлари учун йўналтирилган маблағдан 12% даромад солиғини қайтариб олиш мумкин.

«Фискал модулга тўлов» хизмати – онлайн-НКТда қўлланиладиган фискал модуль учун тўлов.

"Жарималарни тўлаш" хизмати – МИБ ҳамда йў л ҳаракати қоидаларини бузганлик учун жарималарни кўриш ва тўлаш.

Фойдаланувчининг иловага бириктирилган телефон рақамлари ЖШШИРга боғланди

Иловани юклаб олиш Android / iOS