КЎП БЕРИЛГАН САВОЛЛАРГА ЖАВОБЛАР (10)

Ўзбекистон Республикаси Президентининг 2020 йил 18 майдаги ПФ-5996-сонли Фармонига асосан 2020 йил 1 июндан 1 сентябргача юридик шахсларнинг мол-мулк солиғи имтиёзини қўллаш учун аниқлаштирилган маълумотнома тақдим этиш бўйича ҚЎЛЛАНМА

Юридик шахслар учун

2020 йил 1 апрелдан 2020 йил 1 октябрга қадар Ўзбекистон «Маҳалла» хайрия жамоат фондига, «Саховат ва кўмак» фондига, «Ўзбекистон меҳр-шафқат ва саломатлик» жамоат фондига, шу жумладан уларнинг Қорақалпоғистон Республикаси, вилоятлар, Тошкент шаҳри, туманлар ва шаҳарлардаги бўлинмаларига, шунингдек, маҳаллий давлат ҳокимияти органлари томонидан шакллантириладиган ижтимоий қўллаб-қувватлашга муҳтож бўлган жисмоний шахслар рўйхатига киритилган жисмоний шахсларга беғараз бериладиган:

пул маблағлари ва товарлар (хизматлар)га фойда солиғини ҳисоблашда чегириладиган харажатлар сифатида қаралади;

товарлар (хизматлар) қўшилган қиймат солиғидан озод қилинади ва айланмадан олинадиган солиқ бўйича солиқ солиш объектига киритилмайди.

Ўзбекистон Республикаси Президентининг
27.04.2020 йилдаги ПФ-5986-сон Фармони

2020 йил 1 апрелдан 2020 йил 1 октябрга қадар лизинг корхоналари томонидан ҳисобланган ва кечиктирилган лизинг бўйича фоиз даромадлари суммаси фойда солиғини хисоблашда кечиктириш берилган даврдаги жами даромад таркибига киритилмайди.

Ўзбекистон Республикаси Президентининг
27.04.2020 йилдаги ПФ-5986-сон Фармони

 

Ўзбекистон Республикаси Президентининг 2020 йил 3 апрелдаги ПФ-5978-сон Фармони 6-бандида назарда тутилган соддалаштирилган тартибда солиқларни тўлаш бўйича фоизсиз кечиктириш (бўлиб-бўлиб тўлаш) бериш муддати 2020 йил 31 декабргача узайтирилади.

Ўзбекистон Республикаси Президентининг
27.04.2020 йилдаги ПФ-5986-сон Фармони

 

Қишлоқ хўжалигидаги ерларни суғориш учун фойдаланиладиган ҳажмлар бўйича сув ресурсларидан фойдаланганлик учун солиқ ставкалари 2020 йилда ўрнатилган ставкалардан 50 фоизга пасайтирилди.

Ўзбекистон Республикаси Президентининг
19.03.2020 йилдаги ПФ-5969-сон Фармони

 

Иқтисодиёт ва саноат вазирлиги ҳамда Молия вазирлиги ҳудудий бошқармалари раҳбарларининг хулосалари асосида маҳаллий давлат ҳокимияти органлари томонидан хўжалик юритувчи субъектларга мол-мулк солиғи, ер солиғи ва сув ресурсларидан фойдаланганлик учун солиқни тўлаш бўйича фоизларни ундирмасдан 6 ойга кечиктириш (бўлиб-бўлиб тўлаш) тақдим этилади.

Ўзбекистон Республикаси Президентининг
19.03.2020 йилдаги ПФ-5969-сон Фармони

 

2020 йил 1 октябргача ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилди.

Ўзбекистон Республикаси Президентининг
19.03.2020 йилдаги ПФ-5969-сон Фармони

2020 йил 1 октябргача вақтинча қийинчиликларни бошдан кечираётган хўжалик юритувчи субъектларга мол-мулк солиғи, ер солиғи ва сув ресурсларидан фойдаланганлик учун солиқ бўйича пенялар ҳисобланишини тўхтатиб турилади, шунингдек, солиқ қарзини мажбурий ундириш чоралар кўрилмайди.

Ўзбекистон Республикаси Президентининг
19.03.2020 йилдаги ПФ-5969-сон Фармони

 

2021 йил 1 январга қадар тадбиркорлик субъектларининг фаолиятини солиқ аудитидан ўтказиш тўхтатилди (жиноят ишлари доирасида ва юридик шахсни тугатиш муносабати билан солиқ аудитидан ўтказиш бундан мустасно).

Ўзбекистон Республикаси Президентининг
19.03.2020 йилдаги ПФ-5969-сон Фармони

 

2020 йил 31 декабрга қадар товарларни (ун, ўсимлик ёғи, гўшт ва сут маҳсулотлари, шакар, гигиена воситалари) олиб киришда божхона божи ва акциз солиғининг ноль ставкалари белгиланди.

Ўзбекистон Республикаси Президентининг
19.03.2020 йилдаги ПФ-5978-сон Фармони

 

2020 йил 1 апрелдан 31 декабрга қадар туроператорлар, турагентлар ва туризм соҳасида меҳмонхона хизматлари (жойлаштириш хизматлари) кўрсатувчи субъектлар, “Uzbekistan Airways” АЖ ва унинг таркибий бўлинмалари, “Uzbekistan Airports” АЖ ва “Ўзаэронавигация маркази” ДУК:

юридик шахслардан олинадиган ер солиғи ва юридик шахсларнинг мол-мулкига солинадиган солиқни тўлашдан озод қилинади;

ижтимоий солиқни камайтирилган ставкада 1 фоиз миқдорида тўлайди.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

2020 йил 1 апрелдан 31 декабрга қадар товарларни (хизматларни) реализация қилиш айланмаси ойига 1 млрд сўмдан ошмайдиган
ва электрон ҳисоб-фактураларни қўллайдиган қўшилган қиймат солиғи тўловчилар ушбу солиқни ҳар чораклик асосда ҳисоблаш ва тўлаш ҳуқуқи берилди.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

2020 йил 1 апрелдан 31 декабрга қадар фойдаланилмаётган ишлаб чиқариш майдонлари, яшаш учун мўлжалланмаган иншоотларга, шу жумладан 2020 йил 1 апрелга қадар аниқланганларга нисбатан мол-мулк солиғи ва ер солиғининг оширилган ставкаларини қўллаш, шунингдек, кўрсатилган солиқлар бўйича оширилган ставкаларни қўллаш натижасида юзага келган қарздорликка нисбатан пеня ҳисоблаш ва мажбурий ундириш чораларини кўриш тартиби тўхтатилди.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

Ўз фаолиятини тўхтатган ва (ёки) товарлар (хизматлар) реализациясидан тушуми жорий йилнинг биринчи чорагидаги ўртача ойлик миқдорига нисбатан 50 фоиздан кўпроққа камайган микрофирма, кичик корхона ва якка тартибдаги тадбиркорларга солиқ органларини хабардор қилган ҳолда 2020 йил 1 октябрга қадар қуйидаги солиқларни фоизсиз кечиктириш (бўлиб-бўлиб тўлаш) ҳуқуқи тақдим этилди.

Маҳаллий давлат ҳокимияти органларига ариза бермасдан туриб айланмадан олинадиган солиқ, мол-мулк солиғи, ер солиғи, сув ресурсларидан фойдаланганлик учун солиқ бўйича — уларни кейинчалик 12 ой давомида тенг улушларда тўлаш шарти билан;

ижтимоий солиқ бўйича — уни кейинчалик 6 ой давомида тенг улушларда тўлаш шарти билан.

 

Бунинг учун, солиқ тўловчи шахсий кабинети орқали солиқ органига ариза бериш кифоя. Қолган жараён солиқ органлари ва ҳокимликларда ташкил этилган котибиятлар томонидан кўриб чиқилиб, тегишли ҳулосалар қабул қилинади.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

Жорий йилнинг охирига қадар спирт, алкоголь маҳсулотлари, шу жумладан вино ва пиво учун акциз солиғи, шунингдек, бензин, дизель ёқилғиси ва газни якуний истеъмолчиларга реализация қилишдаги акциз солиғининг амалдаги ставкалари сақланиб қолинди.

 

Ўзбекистон Республикаси Президентининг
03.04.2020 йилдаги ПФ-5978-сон Фармони

 

Мажбурий аудиторлик текширувидан ўтказилиши лозим бўлган хўжалик юритувчи субъектларни 2019 йил якунлари бўйича аудиторлик текширувидан ўтказиш муддати 2020 йил 1 октябргача узайтирилди.

 

Ўзбекистон Республикаси Президентининг
03.04.2020 йилдаги ПФ-5978-сон Фармони

 

2020 йил 1 октябргача дорихоналарда тайёрланадиган дори воситалари, тиббий буюмлар ва бошқа маҳсулотларни улгуржи сотишга рухсат берилади.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

Йил якунига қадар қарз берувчига фоиз шаклида даромад тўлаш мажбуриятисиз қарз (қайтариб бериладиган молиявий кўмак) тақдим этилганда солиқ солиш мақсадида қайта молиялаш ставкаси (асосий ставка) асосида аниқланадиган даромад айланмадан олинадиган солиқ ҳамда фойда солиғини ҳисоблашда жами даромад таркибига киритилмайди ва ўз навбатида солиққа тортилмайди.

 

Ўзбекистон Республикаси Президентининг
03.04.2020 йилдаги ПФ-5978-сон Фармони

 

Фойда солиғини аввалги чорак якунлари асосида ҳисоблаш бўйича ўрнатилган талабларни бекор қилган ҳолда, ушбу солиқни тўловчилар 2020 йилнинг иккинчи чорагидан бошлаб, кутилаётган ҳажмлардан келиб чиқиб фойда солиғи бўйича аванс тўловлар суммаси тўғрисида маълумотнома тақдим этиш ҳуқуқига эга.

Мазкур ҳуқуқни суиистеъмол қилиш ҳолатлари аниқланганда давлат солиқ хизмати органларига фойда солиғи бўйича аванс тўловлар тўғрисида тақдим этилаётган маълумотномаларга ўзгартиришлар киритиш ваколати эга.

Ўзбекистон Республикаси Президентининг
03.04.2020 йилдаги ПФ-5978-сон Фармони

 

2020 йил 1 апрелдан бошлаб солиқ тўловчилар Ўзбекистон Республикаси Президенти ва Вазирлар Маҳкамасининг қарорларида назарда тутилган қўшилган қиймат солиғи бўйича имтиёзларни солиқ солишдан бўшаган маблағларни муайян мақсадларга йўналтириш шартларисиз қўллайди.

Ўзбекистон Республикаси Президентининг
03.04.2020 йилдаги ПФ-5978-сон Фармони