"Солиқ маълумотларини қайта ишлаш маркази" ДУК

1. Давлат солиқ хизмати органларининг ахборот тизимлари ва ресурсларини техник жиҳатдан қўллаб – қувватлаш, электрон маълумотлар базасини шаклланиши, бошқарилиши ва хавфсиз сақланишини таъминлаш, шунингдек, ушбу Уставда назарда тутилган бошқа ишлар (хизматлар)ни бажаришдан (кўрсатишдан) фойда олиш Корхона фаолиятининг асосий мақсади ҳисобланади.

2. Қуйидагилар Корхонанинг асосий вазифалари ва фаолият йўналишлари ҳисобланади:

давлат солиқ хизмати органларининг электрон маълумотлар базасининг шаклланиши, бошқарилиши ва хавфсиз сақланишини таъминлаш;

давлат солиқ хизмати органларининг ахборот тизимлари ва ресурсларини техник жиҳатдан қўллаб - қувватлаш, ишчи режимда бўлишини таъминлаш;

телекоммуникация ва ҳисоблаш қурилмаларининг хавфсизлигини таъминлаш, бунда мос равишда муҳандислик инфратузилмасини шакллантириш, унга техник хизмат кўрсатилишини таъминлаш ва модернизация қилиб бориш;

давлат солиқ хизмати органларининг электрон ахборотни қайта ишлаш бўйича техник ресурсга нисбатан эҳтиёжи ҳисобини юритиш, режалаштириш ва мутаносиб равишда техник қурилмалар паркини шакллантириб бориш.

3. Корхона ўзига юклатилган вазифаларга мувофиқ қуйидаги функцияларни бажаради:

а) давлат солиқ хизмати органларининг электрон маълумотлар базаси шаклланиши, бошқарилиши ва хавфсиз сақланишини таъминлаш соҳасида;

маълумотлар базасини бошқариш тизимига техник ва тизимли хизмат кўрсатади;

маълумотлар базасини архивлаш ва хавфсиз сақланишини таъминлайди;

маълумотлар базаси архитектурасини бошқариш ва ривожлантириш бўйича ишларни мувофиқлаштириб боради;

маълумотлар базасидан рухсатсиз фойдаланилишининг олдини олади;

маълумотлар базасида профилактика тадбирларини амалга ошириб боради;

маълумотлар базасининг ишчи ҳолатини таъминлаш бўйича узлуксиз навбатчиликни амалга оширади.

б) давлат солиқ хизмати органларининг ахборот тизимлари ва ресурсларини техник жиҳатдан қўллаб - қувватлаш, ишчи режимда бўлишини таъминлаш соҳасида:

Давлат солиқ қўмитасининг Маълумотларни қайта ишлаш марказига ахборот тизимларини ўрнатиш, созлаш ва янгилаб бориш чораларини кўради;

ахборот тизимлари орқали сервер ва ҳисоблаш қурилмаларига юкламанинг мутаносиб ва самарали тақсимланишини таъминлайди;

ахборот тизимлари архитектурасини такомиллаштириш бўйича таклифлар ишлаб чиқади;

ахборот тизимларининг ишчи ҳолатини доимий назорат қилиш чораларини кўради;

ахборот тизимларидаги техник хатоликларни таҳлил қилиш, уни бартараф этиш чораларини кўради;

маълумотларни қайта ишлаш марказида ахборот тизимларини ўрнатиш ва бошқариш билан боғлиқ ишларни мувофиқлаштириб боради;

ахборот тизимлари бўйича профилактика тадбирларини амалга ошириб боради;

ахборот тизимларининг ишчи ҳолатини таъминлаш, юзага келган техник носозликларни бартараф этиш бўйича узлуксиз навбатчиликни амалга оширади.

в) телекоммуникация ва ҳисоблаш қурилмаларининг хавфсизлигини таъминлаш, бунда мос равишда муҳандислик инфратузилмасини шакллантириш, унга техник хизмат кўрсатилишини таъминлаш ва модернизация қилиб бориш соҳасида:

маълумотларни қайта ишлаш маркази узлуксиз электр энергияси таъминоти, совитиш тизими ва ёнғинга қарши тизимга эга бўлишини таъминлайди ва уларга тизимли ва техник хизмат кўрсатади;

маълумотларни қайта ишлаш марказининг муҳандислик инфратузилмасини ривожлантириб бориш чораларини кўради;

муҳандислик тизимлари бўйича профилактика тадбирларини амалга ошириб боради;

муҳандислик тизимлари ишчи ҳолатини таъминлаш, юзага келган техник носозликларни бартараф этиш бўйича узлуксиз навбатчиликни амалга оширади.

г) Давлат солиқ хизмати органларининг электрон ахборотни қайта ишлаш бўйича техник ресурсга нисбатан эҳтиёжи ҳисобини юритиш, режалаштириш ва мутаносиб равишда техник қурилмалар паркини шакллантириб бориш соҳасида:

сервер ва ҳисоблаш қурилмаларини самарали ва хавфсиз ишлашини таъминлаш учун мутаносиб муҳандислик инфратузилмасини жорий қилиш бўйича талаб ва эҳтиёж ҳисобини юритади ва қондириш чораларини кўради;

ахборот тизимларини самарали ва узлуксиз ишлашини таъминлаш учун мутаносиб инфратузилмани жорий қилиш бўйича техник ресурсга бўлган талаб ва эҳтиёж ҳисобини юритади ва қондириш чораларини кўради;

ахборот хавфсизлиги тизим ва қурилмаларини доимий равишда модернизация қилиб боради.

4. Корхона Ўзбекистон Республикаси қонунчилик ҳужжатларида тақиқланмаган фаолиятнинг бошқа турларини ҳам амалга ошириши мумкин.