Ўзбекистон Республикаси Вазирлар Маҳкамаси ҳузуридаги Солиқ қўмитаси

Солиқ органларининг Марказий маълумотлар базасидан фойдаланишга рухсат бериш

Интеграция ва солиқ органларининг Марказий маълумотлар базасидан фойдаланишга рухсат бериш

Манфаатдор юридик ва жисмоний шахсларга тадбиркорлик субъектлари тўғрисидаги очиқ ва эркин фойдаланиши мумкин бўлган маълумотларни Интернет тармоғи орқали, шу жумладан, уларнинг ахборот тизимлари ва мобил иловаларида фойдаланиш учун электрон шаклда олиш имкониятини беради.

Қандай маълумотлар тақдим этилади?

Солиқ қўмитаси Ўзбекистон Республикаси ҳудудида рўйхатдан ўтган барча юридик шахс ва якка тартибдаги тадбиркорлар тўғрисида солиқ органларининг Марказий маълумотлар базасида мавжуд бўлган очиқ ва эркин фойдаланиши мумкин бўлган маълумотларни тақдим этади.

1. Тўлиқ номи
2. Қисқа номи
3. Ҳолати ўзгартирилган сана
4. (ТҲШ) Ташкилий-ҳуқуқий шакл
5. ИФУТ бўйича иқтисодий фаолият тури (Иқтисодий фаолият турлари умумдавлат таснифлагичи)
6. МҲТБТ бўйича маъмурий-ҳудудий тузилиш (Маъмурий-ҳудудий тузилмаларни белгилаш тизими)
7. (КТАК) Корхона ва ташкилотларнинг Ягона давлат регистридан корхона, ташкилотнинг асосий коди (КТЯДРК)
8. Солиқ тўловчининг тури
9. Корхона тоифаси
10. МШТ бўйича мулк шакли (Мулкчилик шакллари таснифлагичи)
11. Рўйхатга олинган сана
12. Рўйхатга олиш рақами
13. Рўйхатга олувчи орган
14. Қайта рўйхатга олинган сана

15. Фаолиятнинг тугаш санаси
16. Солиқ режими
17. ҚҚС сертификати рақами
18. ҚҚС сертификатинг ҳолати
19. Раҳбар Ф.И.Ш.
20. Раҳбарнинг телефон рақами
21. Электрон манзили
22. Устав капиталининг ҳажми
23. Юридик ва жисмоний шахсларнинг таъсисчилари тўғрисида маълумот
24. Юридик манзили
25. Фаолият юритаётган ҳақиқий манзили
26. Филиаллар манзиллари
27. Банкрот деб эълон қилинганлиги ёки давлат реестридан чиқарилганлиги тўғрисида маълумотлар
28. Мажбурий аудиторлик текширувидан ўтказилганлиги тўғрисида маълумотлар
29. Маъмурий жазолар

Сервисдан фойдаланишни қандай бошлаш керак?

Маълумотлар онлайн тарзда бепул тақдим этилади. Сервисдан фойдаланишни бошлаш учун ҳаволага ўтишингиз керак: https://my3.soliq.uz/remotes-services/service-taxpayer/?interactiveId=708