Payme, Click, Upay тўлов тизимлари орқали солиқларни тўланг!

Солиқ органларига ташриф буюрмасдан солиқларнинг айрим турларини тўлаш имконияти жорий этилди:

1. ЯТТ суғурта бадали (Код: 38); 
2. ЯТТ даромад солиғи (Кoд: 47); 
3. Даромад солиғи - декларация (Код: 51); 
4. Мулк солиғи (Код: 66); 
5. Ер солиғи (Код: 67); 
6. Жарималарни тўлаш (Код: 99); 
7. Ҳисобланган фоизлар учун тўлов (Код: 199).

Фойдаланувчи тўлов амалга ошириладиган объектни мустақил равишда танлаши мумкин. Солиқ тўловчи томонидан танланган объект учун тўлов автоматк равишда шахсий картадан амалга оширилади.

Тўлов тизимлари орқали жисмоний шахслар солиқлари қандай тўланади?

Жисмоний шахсларнинг солиқларини тўлаш payme.uz, click.uz, u-pay.uz сайтларида жойлашган тўлов тизимлари сайтлари орқали ёки ушбу тўлов тизимларининг Play Market-дан юклаб олинадиган тегишли мобил иловалари орқали амалга оширилади.

Тўлов тартиби барча мобил тўлов тизимларида бир хил. "Хизматлар учун тўлов" - "Солиқларни тўлаш" бўлимида солиқ турини танлаш, СТИРингизни, тўлов миқдорини киритиш ва "Тўлаш" тугмасини босиш кифоя. Транзакциядан сўнг, тўлов муваффақиятли амалга оширилганлиги тўғрисида СМС-хабар келади.

Тўланган солиқлар тўғрисидаги маълумотлар хизмат кўрсатувчи банк томонидан автоматик равишда солиқ органларининг ахборот тизимига ўтказилади ва солиқ тўловчининг шахсий карталарига жойлаштирилади.

Шунингдек, тўланган солиқ тўғрисида маълумотни солиқ тўловчи my.soliq.uz "Електрон солиқ хизматлари" порталининг жисмоний шахснинг шахсий кабинетидаги "Жисмоний шахснинг шахсий карточкалари" електрон давлат хизматидан фойдаланиб олиши мумкин.  

ЯНГИ ИМКОНИЯТЛAР: Эндиликда PAYME тўлов тизими фойдаланувчилари Жисмоний шахслар солиқлари учун тўловни шу билан бирга солиқ тўловчи жисмоний шахсларнинг шахсий кабинети орқали ҳам амалга ошириши мумкин!
тўлов тартиби юқорида тавсифланганидан фарқ қилмайди.

Солиқлар ва бошқа мажбурий тўловларни тўлаш схемаси:

Тўлов тизимлари ҳақида қисқача