Тошкент солиқ техникуми

Ўзбекистон Республикаси Вазирлар Маҳкамаси ҳузуридаги Солиқ қўмитасининг Тошкент солиқ техникуми Ўзбекистон Республикаси Вазирлар Маҳкамасининг 1998 йил 14 июлдаги 298-сонли "Ўзбекистон Республикаси Давлат Солиқ қўмитасининг Солиқ коллежини ташкил этиш тўғрисида" ги қарорига биноан ташкил этилган.

Ўзбекистон Республикаси Иқтисодиёт ва молия вазирлиги ҳузуридаги Солиқ қўмитасининг Бухоро ва Фарғона солиқ техникумлари Ўзбекистон Республикаси Вазирлар Маҳкамасининг 2000 йил 4 майдаги 178-сонли "Бухоро ва Фарғона шаҳарларида Ўзбекистон Республикаси Давлат солиқ қўмитасининг солиқ коллежларини ташкил этиш тўғрисида"ги қарорига биноан ташкил этилди.

Солиқ техникумлари солиқ мутахассисларини ихтисослаштирилган тайёрлаш тизимини такомиллаштириш ва Ўзбекистон Республикаси давлат солиқ хизматини малакали кадрлар билан таъминлаш мақсадида ташкил этилди.

Солиқ техникумлари - бу ўрта махсус, касб-ҳунар таълими муассасалари. Техникумда ўқиш давлат таълими грантлари асосида кундузги шаклда олиб борилади. Техникумда ўқиш муддати - 3 йил ва солиқ органларида 1 йиллик амалий иш синовлари. 11 йиллик ўрта маълумотга эга бўлган абитуриентлар учун (тўққиз йиллик ўрта таълимнинг давлат таълим стандартлари жорий этилгунга қадар) ўқиш муддати мос равишда 2 ва 1 йилни ташкил қилади.