Байрам муносабати билан 5-санага қадар дам олиш кунлари белгиланганлиги сабабли жорий йилнинг август ойи учун бир томонлама ЭҲФни расмийлаштириш муддати 5 кунга, яъни 10 сентябрга қадар узайтирилади.
Тузатувчи ЭҲФларни эса 20-санага қадар расмийлаштириш мумкин бўлади.
Тадбиркорларнинг сўровига кўра (расмий сайт, ижтимоий тармоқлар, телефон орқали) маҳсулот ва хизматлар идентификация кодларини тез топишга кўмак берилади, шунингдек, мавжуд бўлмаган кодлар Маҳсулотлар (товар ва хизматлар) ягона электрон миллий каталогига киритилишида амалий ёрдам кўрсатилади.
Мазкур эълон ДСҚ расмий хабари сифатида тан олиниб солиқ назорати вақтида молиявий ёки маъмурий жарималар қўлланилмаслигига асос бўлади.
