O‘zbekiston Respublikasi Davlat soliq qo‘mitasi Jahon banki tomonidan moliyalashtiriladigan

“Soliq ma’muriyatini isloh qilish” loyihasini amalga oshirish guruhiga mutaxassislarni ishga qabul qiladi

O‘zbekiston Respublikasi Davlat soliq qo‘mitasi tomonidan O‘zbekiston Respublikasi Prezidentining 2022-yil 24-martdagi “Jahon banki ishtirokida “Soliq ma’muriyatchiligini isloh qilish” loyihasini amalga oshirish chora-tadbirlari to‘g‘risida”gi PQ-178-son qarori amalga oshirilmoqda.

Ushbu loyihani amalga oshirish davri besh yil bo‘lib, Xalqaro taraqqiyot uyushmasining 60 million AQSh dollari miqdoridagi krediti hisobidan moliyalashtiriladi.

O‘zbekiston Respublikasi Davlat soliq qo‘mitasi tomonidan Loyihani o‘z vaqtida amalga oshirish, olingan kredit mablag‘laridan maqsadli va samarali foydalanishni ta’minlash maqsadida Loyihani amalga oshirish guruhi tuzilmoqda.

Yuqoridagilarni inobatga olgan holda, O‘zbekiston Respublikasi Davlat soliq qo‘mitasi manfaatdor mutaxassislarni Loyihani amalga oshirish guruhiga quyidagi lavozimlarga ochiq tanlovda qatnashishga taklif etadi:

1. Loyihani amalga oshirish guruhi rahbari lavozimiga

Lavozim majburiyatlari:

- Loyihani boshqarish, Loyihani amalga oshirish guruhi xodimlari va konsultantlarni faoliyatini muvofiqlashtirish.

- Loyiha faoliyatini samarali rejalashtirish va amalga oshirishni ta’minlash.

- Har bir komponentning bajarilishini nazorat qilish, loyiha bo‘yicha hisobotlarni tayyorlash.

- Jahon banki va Davlat soliq qo‘mitasi rahbariyatini loyihaning amalga oshirilishi holati va hal etilmayotgan masalalar bo‘yicha muntazam xabardor qilib borish.

- Kredit shartnomasiga muvofiq loyihani amalga oshirish uchun ajratilgan kredit mablag‘laridan maqsadli va samarali foydalanilishini nazorat qilish.

- Loyihani amalga oshirish bilan bog‘liq bo‘lgan boshqa vazifa va majburiyatlar.

Malakaviy talablar:

Ish tajribasi:

- Moliya, soliq, bank ishi, loyiha boshqaruvi, iqtisod va davlat moliyasini boshqarishning boshqa sohalarida kamida 5 yillik ish tajribasi.

- Loyihani boshqarish, jumladan, loyihani ishlab chiqish, monitoring va baholash, hisobot berish bo‘yicha tajriba afzal hisoblanadi.

- Loyiha boshqaruvi, biznes boshqaruvi, iqtisod yoki shunga o‘xshash boshqa sohalardagi oliy ma’lumot.

Boshqa ko‘nikmalar:

- Ko‘p vazifali va ko‘p maqsadli jamoalarni boshqarishdagi tajriba va yetakchilik qobiliyati.

- O‘zbek, rus va ingliz tilini og‘zaki va yozma darajada bilish.

- Matnli fayllar, jadvallar va grafik dasturlar (masalan, MS Word, Excel, Power Point) bilan ishlash.

Ish haqi: Shartnoma asosida. (Jahon banki krediti va Davlat soliq qo‘mitasining maxsus jamg‘armasining mablag‘lari hisobidan).

2. Xarid bo‘yicha mutaxassis lavozimiga

Lavozim majburiyatlari:

- Loyiha doirasida xaridlarning Jahon banki talablariga rioya qilgan holda amalga oshirilishini ta’minlash.

- Xarid jarayonlarini rejalashtirish, tender hujjatlari tayyorlash hamda Jahon banki tartib-qoidalariga muvofiq xaridlarni tashkil etish.

- Xizmatlar va asbob-uskunalarni sotib olish bo‘yicha maslahatlar berish.

- Loyiha bo‘yicha konsultantlarni tanlashni amalga oshirish.

- Xaridlar bo‘yicha ma’lumotlar bazasini yaratish va yuritish, tovarlarni o‘z vaqtida yetkazib berishni, konsultantlar tomonidan ishlarni vaqtida bajarishni muvofiqlashtirish.

- Loyihani amalga oshirish guruhi rahbariga xaridlar bo‘yicha hisobotlarni, shu jumladan shartnomalar bajarilishidagi kechikishlar va muammolar to‘g‘risidagi hisobotlarni muntazam ravishda taqdim etish.

Malakaviy talablar:

Ish tajribasi:

- Xarid qilish, qurilish, IT-muhandis yoki boshqa tegishli sohalarda kamida
5 yillik ish tajribasi.

- Xaridlar bo‘yicha tajriba, xususan, Jahon banki yoki boshqa xalqaro moliya institutlari tomonidan moliyalashtiriladigan loyihalarda tajribaga ega bo‘lishi hamda tegishli xaridlar bo‘yicha yo‘riqnoma va tartiblarni bilishi afzal hisoblanadi.

Ma’lumoti:

- Xaridlar, huquq, muhandislik yoki IT-sohasida tegishli ta’lim yo‘nalishlari bo‘yicha oliy ma’lumot.

Boshqa ko‘nikmalar:

- Davlat xaridlari qoidalari bo‘yicha yirik shartnomalar tuzish va ularni boshqarish tajribasiga ega bo‘lish afzal hisoblanadi.

- INCOTERMS, FIDIC va boshqalar kabi xalqaro xarid amaliyotlarini qo‘llash tajribasi.

- O‘zbek, rus va ingliz tilini og‘zaki va yozma darajada bilish.

- Matnli fayllar, jadvallar va grafik dasturlar (masalan, MS Word, Excel, Power Point) bilan ishlash qobiliyati.

Ish haqi:

Shartnoma asosida. (Jahon banki krediti va Davlat soliq qo‘mitasining maxsus jamg‘armasining mablag‘lari hisobidan).

3. Moliyaviy menejer lavozimiga

Lavozim majburiyatlari:

- Moliyaviy va buxgalteriya hisobini shakllantirish va yuritish (shu jumladan dasturiy ta’minotni o‘rnatish).

- Moliyaviy va byudjet nazoratini tashkil etish va ta’minlash.

- Loyiha bo‘yicha moliyaviy hisobotlarni tayyorlash.

- Loyiha uchun maxsus va boshqa hisoblarni ochish va ularni boshqarish.

- Moliyaviy boshqaruv kompyuter tizimining ma’lumotlar bazasini yuritish va yangilab borish.

- Loyihaning moliyaviy jihatlarini boshqarish (shu jumladan, xarid buyurtmalarini tahlil qilish, moliyaviy faoliyat va shartnoma bo‘yicha to‘lovlarni).

- Loyihaning o‘z vaqtida auditdan o‘tkazilishini ta’minlash.

- Loyihani amalga oshirish uchun zarur bo‘lgan boshqa vazifalarni bajarish.

Malakaviy talablar:

Ish tajribasi:

- Kamida 5 yil davlat yoki xususiy tashkilotda, yoki shunga o‘xshash lavozimda (xalqaro moliya institutlarni investitsiya loyihalari), shundan 3 yil moliya boshqaruvi mutaxassisi yoki to‘lovlar yoki hisobotlar bo‘yicha yetakchi mutaxassis sifatida.

- Xalqaro moliya institutlar tomonidan moliyalashtiriladigan investitsiya loyihalarini amalga oshiruvchi tashkilotlarda ilgari ish tajribasiga ega bo‘lishi afzal hisoblanadi.

Ma’lumoti:

- Iqtisodiyot, buxgalteriya hisobi, moliya yoki shu yo‘nalishlarda oliy ma’lumot.

- Buxgalteriya malakasiga ega bo‘lish va (yoki) moliya yoki buxgalteriya hisobi sohasida ixtisoslashtirilgan ta’limga ega bo‘lishi afzal hisoblanadi.

Boshqa ko‘nikmalar:

- O‘zbek, rus va ingliz tilini og‘zaki va yozma darajada bilish.

- Milliy buxgalteriya hisobi standartlarini bilish, moliyaviy hisobotning xalqaro standartlarini bilish afzal hisoblanadi.

- Ilg‘or jahon amaliyotiga muvofiq moliyaviy boshqaruv va loyihalar hisobini yuritish bo‘yicha axborot tizimini yaratish va ishga tushirish bo‘yicha amaliy tajriba.

- Matnli fayllar, jadvallar va grafik dasturlar (masalan, MS Word, Excel, Power Point) bilan, shuningdek, Buxgalteriya 1C dasturi bilan ishlash qobiliyati.

Ish haqi:

Shartnoma asosida. (Jahon banki krediti va Davlat soliq qo‘mitasining maxsus jamg‘armasining  mablag‘lari hisobidan).

Mehnat faoliyati muddati:

Loyihani amalga oshirish muddati 2022-yildan 2027-yilgacha. Tanlangan nomzodlar bilan shartnomalar qonunchilikda belgilangan tartibda tuziladi. Ishning dastlabki olti oyi sinov davri hisoblanadi. Shartnoma muddati O‘zbekiston Respublikasi Davlat soliq qo‘mitasi tomonidan baholanadigan vazifalarining qoniqarli bajarilishiga qarab uzaytiriladi.

Nomzodlar o‘zlari to‘g‘risidagi ma’lumot (rezyume)lari 2022-yil 30-aprelgacha quyidagi elektron pochta manzili orqali qabul qilinadi: e-mail: sh.ibrokhimov@soliq.uz

Murojaat uchun: 100011, O‘zbekiston, Toshkent, Abdulla Qodiriy ko‘ch., 13a

O‘zbekiston Respublikasi Davlat soliq qo‘mitasi.

Tel.: (99871) 244-97-13