Жаҳон банки иштирокидаги “Солиқ маъмуриятчилигини ислоҳ қилиш” лойиҳасини амалга ошириш чора-тадбирлари Ўзбекистон Республикаси Президентининг 2022 йил 24 мартдаги 178-сон қарори билан белгиланган.

Лойиҳа мақсади - солиқ тизими фаолиятининг операцион самарадорлигини ва натижадорлигини ҳамда солиқ қонунчилигига риоя қилиш даражасини ошириш.

Лойиҳани амалга ошириш муддати: 2022-2027 йиллар.

Лойиҳа амалга оширилишининг молиялаштирилиши Халқаро тараққиёт уюшмасининг (Жаҳон банки гуруҳига киради) 60 млн.долл. миқдордаги қарз маблағлари ҳисобидан кўзда тутилган. Ўзбекистон Республикаси ва Халқаро тараққиёт уюшмаси ўртасидаги қарз битими 2022 йил 18 апрелда имзоланган (кредит рақами 6912-UZ).

Лойиҳа таркиби: Лойиҳа 4-та компонентдан иборат:

Солиқ маъмуриятчилигининг асосий бизнес-жараёнларини автоматлаштириш;

Яширин иқтисодиёт ҳажмини камайтириш учун солиқ тўсиқларини бартараф этиш;

Кадрлар ва институционал салоҳиятни ошириш;

Нотехник компонент - Лойиҳа бошқарувини қўллаб қувватлаш;

Лойиҳани амалга оширишнинг мақсадли кўрсаткичлари:

Солиқларни ҳисоблаш ва тўлашни автоматлаштириш даражасини 90% етказиш;

Солиқ органлари кўрсатаётган электрон хизматлар сонини ошириш орқали тадбиркорлик субъектларини электрон хизматлар билан қамраб олиш;

Қўшилган қиймат солиғини ундириш жараёнларини тўлиқ автоматлаштириш орқали ушбу солиқнинг ундирув даражасини 75% етказиш;

Солиқ тўловчиларнинг ҳисоботларини тақдим этиш ва солиқларни тўлаш вақт сарфини икки бараваргача камайтириш.

Амалга оширилган ишлар ва жорий ҳолат:

Лойиҳани доирасида Солиқ қўмитасининг Маълумотларни қайта ишлаш марказини модернизациялаш учун ускуналар ва дастурлар хариди бўйича АКТ янги инфратузилмаси Концепцияси, техник топшириқ ва тендер ҳужжатлар ишлаб чиқилди, Илмий-техник кенгаш томонидан маъқулланди. Тендер ҳужжатлар ваколатли органларда экспертизадан ўтказилди, Жаҳон банки билан келишилди ва Харид комиссияси томонидан тасдиқланди.

Маълумотларни қайта ишлаш марказини модернизациялаш учун аппарат ва дастурий таъминот хариди бўйича тендер савдолар 2023 йил 3 мартда 5-лот кесимида эълон қилинди. 2023 йил 25-31 майда тендер қатнашчиларнинг техник ва молиявий таклифлари иккеи босқичда баҳоланди, натижалари Харид комиссияси томонидан тасдиқланиб, Жаҳон банки билан келишилди.

2 августда тендер қатнашчиларга натижалар хабар қилинди. Тендер қатнашчиларидан шикоят тушиш муддати тугаши билан 17 августда ғолибларга шартнома тузиш тўғрисидаги хатлар юборилди.

Тендернинг умумий қиймати 48,2 млн.долл. бўлиб, тендер якунлари бўйича 40,66 млн.долл. таклифлар ғолиб деб топилди, жумладан 1,2,3,4 лотлар бўйича “Winncom Technologies Corp.” (АҚШ) компаниясининг таклифлари - 34,92 млн.долл. (1-лот – 11,93 млн.долл., 2-лот – 6,64 млн.долл., 3-лот – 7,38 млн .долл., 4-лот – 8,97 млн.долл.), 5-лот бўйича  “Blaze Technologies LTd” (Болгария) - 5,74 млн.долл. компанияси таклифи.

Ғолиб компаниялар билан шартнома музокаралар ўтказилиб, шартномалар шартлари келишилди (30.09.23й.).

Натижада 2,3,5 лотлар шартномалари имзоланди: 2023 йил 16 октябрда “Winncom Technologies Corp.” (АҚШ) компанияси билан 2 ва 3 лотлар шартномалари, 2023 йил 19 октябрда “Blaze Technologies LTd” (Болгария) компанияси билан 5-лот шартномаси.

Шартномалар Жаҳон банкига киритилди, Инвестициялар, саноат ва савдо вазирлигида рўйхатга қўйилди (20.10.23й.).     

2,3,5 лотлар шартномалари бўйича молиялаштириш очилди: “Winncom Technologies Corp.” (АҚШ) компанияси билан тузилган 2 ва 3 лотлар шартномалари бўйича АТБ “Капиталбанк”да 2023 йил 10 ноябрда  аккредитив очилди, “Blaze Technologies LTd” (Болгария) компанияси билан тузилган 5-лот шартномаси бўйича 17 ноябрда аванс тўлови амалга оширилди. 

Етказиб берувчилар томонидан ишлаб-чиқарувчи компанияларда буюртмалар жойлаштирилди. 2023 йил декабрда имзоланган шартномалар доирасида ускуналар ва дастурлар  қисман етказиб келиниши кутилмоқда

“Winncom Technologies Corp.” (АҚШ) билан келишувга мувофиқ 1 ва 4 лот шартномалар арзонлаштирилган нарҳда 2023 йил декабрда имзоланиши кўзда тутилган эди.