Андижон вилояти солиқ бошқармасида матбуот анжмани ўтказилди. Унда соҳа фаоилятидаги янгиликлар, солиқ маъмурчилигининг ўзига хослиги, «Корхонабай» ва «Маҳаллабай» ишлаш тизимининг афзалликлари, «Солиқ» мобил иловасининг янги имкониятлари борасида журналистларга маълумотлар берилиб, мутахассислар фикри тингланди.
Тадбирда вилоят солиқ бошқармаси бошлиғи Л.Қурбонов бугунги кунда солиқ тизими автоматлаштирилган ахборот тизимлари орқали ўз фаолиятини ташкил этаётганлиги, бу инсон омили аралашувисиз, шаффоф ва самарали меҳнат фаолиятини ташкил этишга асос бўлаётганлиги борасида сўз юритди.
Анжуман давомида соҳада фаолият юритиб келаётган мутахассислар «Корхонабай» ва «Маҳаллабай» дастурларининг қандай ишлашини АКТ имкониятларидан фойдаланган ҳолда кўргазмали тарзда журналистларга таҳлил қилиб кўрсатишди.
Шу билан бирга «Солиқ» мобил иловасининг қулайликлари борасида ҳам алоҳида тўхталиб ўтилди. Тадбир сўнггида оммавий ахборот воситалари вакиллари ўзларини қизиқтирган барча саволларга мутахассислардан жавоблар олишди.
Андижон вилояти солиқ бошқармаси Матбуот хизмати