O‘zbekiston Respublikasi Prezidentining Farmoni «O‘zbekiston Respublikasi Prezidentining ayrim hujjatlariga tashqi savdo operatsiyalari bo‘yicha valyuta nazoratini yanada takomillashtirishga qaratilgan o‘zgartirish va qo‘shimchalar kiritish to‘g‘risida» qabul qilindi.
PF-156, 2024-yil 14-oktabr
Farmon bilan tashqi savdo operatsiyalarga oid bir qator o‘zgartirishlar kiritilgan.
Xususan, O‘zbekiston Respublikasi Prezidentining 2024-yil 30-avgustdagi PF-132-sonli Farmoniga muvofiqlashtirish maqsadida O‘zbekiston Respublikasi Prezidentining 2019-yil 27-iyundagi PF-5755-sonli Farmonining 8-bandi chiqarib tashlandi.
Ilgari asbob-uskunalarni yetkazib berish bo‘yicha import shartnomalarida aktivlarning repatriatsiyasini ta’minlamaganlik uchun jarima sanksiyalari faqat asbob-uskunalarning texnik tavsiflari va o‘ziga xos xususiyatlaridan kelib chiqib, agar yetkazib berish muddati 180 kundan oshgan bo‘lsa qo‘llanilmagan.
Endilikda asbob-uskunalarni yetkazib berish bo‘yicha import shartnomasida ko‘rsatilgan yetkazib berish muddati, agar ushbu muddat asbob-uskunalarning texnik tavsiflari va o‘ziga xos xususiyatlaridan qat’iy nazar, 180 kundan oshsa, aktivlarni repatriatsiya qilish muddati deb e’tirof etiladi.
Tashqi savdo operatsiyalari monitoringi boshqarmasi