Joriy yilning 26-sentabr kuni Jahon bankining Davlat va moliya boshqaruv masalalari departamenti menejeri Adrian Fozzard Soliq ma'muriyatchiligini isloh qilish bo‘yicha qo‘shma loyihaning amalga oshirish jarayonlari bilan tanishish maqsadida Soliq qo‘mitasiga tashrif buyurdi. 

Janob Fozzard Jahon bankining mintaqadagi barcha loyihalarini amalga oshirishning nazoratchisi hisoblanadi. Yil boshida Jahon bankining O‘zbekistondagi vakolatxonasi rahbari Marko Mantovanelli Soliq qo‘mitasining imkoniyatlari bilan tanishtirilgan edi. 

Adriana Fozzard Oʻzbekistonda soliq maʼmuriyatchiligini isloh qilish boʻyicha qoʻshma loyihani amalga oshirishning amaliy jihatlari bilan tanishtirildi. Mamlakatimiz qonunchiligiga to‘liq rioya qilgan holda soliqqa tortishni toʻgʻri yoʻlga qoʻyish maqsadida katta hajmdagi ma’lumotlarni saqlash va tahlil qilish bo‘yicha yangi Ma’lumotlarni qayta ishlash markazini tashkil etish uning asosiy tarkibiy qismi bo‘ladi. 

Jahon banki vakiliga axborot tizimlari, xususan, soliq to‘lovchilar (yuridik va jismoniy shaxslar)ning yagona ma’lumotlar bazasi ko‘rsatilib, katta hajmdagi ma’lumotlar qanday avtomatik tarzda tahlil qilinishi, shuningdek, idoralararo hamkorlik va ma’lumotlar almashinuvi qanday tashkil etilgani haqida ma'lumot berildi. Soliq to‘lovchilarning takliflari va qonunchilikdagi o‘zgarishlarni hisobga olgan holda tizim doimiy ravishda takomillashtirilayotgani alohida ta’kidlandi.

Adrian Fozzard O‘zbekistonda soliq ma’muriyatchiligining avtomatlashtirilgan tizimlari imkoniyatlari haqida juda iliq fikrda ekanligini va bu o‘rganishga arziydigan tajriba ekanligini qayd etidi.  Shuningdek, soliq ma’muriyatchiligi sohasidagi ilg‘or tajriba almashishi mumkin bo‘lgan yirik xalqaro tadbirni O‘zbekistonda o‘tkazish maqsadga muvofiqligi haqida o‘z fikrini bildirdi. 

"Men juda katta taassurot oldim! Siz, albatta, qilgan ishingiz bilan faxrlanishingiz kerak!" – deya o‘z xulosasini bildirdi Adrian Fozzard.