QQS bo‘yicha maxsus ro‘yxatdan o‘tgan yoki o‘tmaganidan qat’i nazar, Soliq kodeksining 237-461-moddalarida ko’rsatilganlar QQSni to‘lash majburiyati yuklatilgan shaxslar hisoblanadi.

Bunda soliq davri (1 yil)da jami daromadi 1 mlrd so‘mdan oshgan shaxslar majburiyat yuzaga kelgan oydan keyingi oyning 1-sanasidan, qolganlari majburiyat yuzaga kelgan sanadan boshlab QQS va foyda solig‘ini to‘lashga o‘tadi. 

QQS to‘lash majburiyati yuzaga kelgan soliq to‘lovchilar avtomatlashtirilgan tizimda kunlik aniqlanib, ularga majburiy tartibda QQS to‘lovchisi bo‘lganligi to‘g‘risida xabarnoma yuboriladi.

Majburiyat yuzaga kelgan sanadan boshlab EHFni QQS bilan rasmiylashtirish shart hisoblanadi.

AOS to‘lovchi hisobot oyi davomida majburiy QQS to‘lovchisi bo‘lganda, mazkur hisobot oyi bo‘yicha AOS va QQS hisobotini taqdim etishi lozim.

Bunda, ЕHFlar, onlayn NKM summalari, amalga oshirgan eksport operatsiyalari majburiy tartibda QQS to‘lovchisi bo‘lgan sanagacha AOS hisobotida va hisobot davrining qolgan kunlaridagi operatsiyalar QQS hisoboti ilovalarida avtomatik ravishda aks ettiriladi.

O‘zbekiston Respublikasida tadbirkorlik faoliyatini amalga oshiruvchi va (yoki) tovarlarni (xizmatlarni) realizatsiya qiluvchi quyidagilar qo‘shilgan qiymat solig‘ini to‘lovchilar deb e’tirof etiladi:

• O‘zbekiston Respublikasining yuridik shaxslari;
• tovarlarni realizatsiya qilishdan olingan daromadi soliq davrida bir milliard so‘mdan oshgan yoxud ixtiyoriy ravishda qo‘shilgan qiymat solig‘ini to‘lashga o‘tgan yakka tartibdagi tadbirkorlar;
• O‘zbekiston Respublikasi hududida tovarlarni (xizmatlarni) realizatsiya qiluvchi chet el yuridik shaxslari, agar tovarlarni (xizmatlarni) realizatsiya qilish joyi deb O‘zbekiston Respublikasi e’tirof etilsa;
  
• faoliyatni O‘zbekiston Respublikasida doimiy muassasalar orqali amalga oshiruvchi chet el yuridik shaxslari;
  
• oddiy shirkat shartnomasi doirasida amalga oshiriladigan faoliyat bo‘yicha — oddiy shirkatning ishlarini yuritish vazifasi zimmasiga yuklatilgan ishonchli shaxs – oddiy shirkatning ishtirokchisi;
  
• O‘zbekiston Respublikasining bojxona chegarasi orqali tovarlarni olib o‘tuvchi shaxslar.

👉Soliq kodeksi 237-modda

Aylanmadan olinadigan soliq quyidagilarga nisbatan tatbiq etilmaydi:

• Importni amalga oshiruvchi yuridik shaxslar va yakka tartibdagi tadbirkorlar;
  
• Aksiz solig‘i to‘lanadigan tovarlarni ishlab chiqaruvchi va foydali qazilmalarni kavlab olishni amalga oshiruvchi yuridik shaxslar;
  
• 25 gektar va undan ortiq sug‘oriladigan qishloq xo‘jaligi ekin maydoni mavjud yuridik shaxslar; 
  
• Benzin, dizel yoqilg‘isi va gazni realizatsiya qilishni amalga oshiruvchi yuridik shaxslar;
  
• Lotoreyalarni tashkil etish bo‘yicha faoliyatni amalga oshiruvchi yuridik shaxslar;
• Oddiy shirkat ishlarini yuritish o‘z zimmasiga yuklatilgan ishonchli shaxslar;
• Foydalanilmayotgan obyektlar mulkdori bo‘lgan yuridik shaxslar;
• Markazlashtirilgan moliyalashtirish manbalari hisobidan obyektlarni quruvchi yuridik shaxslar;
• Alkogol mahsulotlari, shu jumladan pivoni chakana sotish bo‘yicha turg‘un savdo shoxobchalari;
• Bozorlar va savdo komplekslari;
• Soliq maslahatchilarining tashkilotlari;
• Auditorlik tashkilotlari;
• Notijorat va budjet tashkilotlari.

👉Soliq kodeksi 461-modda