O‘zbekiston Respublikasi Prezidentining 2021-yil 7-sentabrdagi “Soliq majburiyatlarini bajarishda tadbirkorlik subyektlariga yanada qulay shart-sharoitlar yaratish chora-tadbirlari to‘g‘risida”gi PF‑6307‑sonli Farmoniga asosan aylanmadan olinadigan soliq hisoboti avtomatlashtirildi.

Jumladan, soliq hisobotida jami daromadlar:

- elektron hisobvaraq-fakturalar;

- onlayn nazorat kassa mashinasi;

- “marketplace” tizimi orqali shakllangan daromadlar (internet orqali tovarlar va xizmatlarni sotish va sotib olish uchun onlayn platforma);

- amalga oshirilgan eksport bo‘yicha bojxona yuk deklaratsiyalari orqali soliq hisobotlari avtomatik ravishda shakllantiriladi.

Joriy yilning 1-yanvaridan boshlab aylanmadan olinadigan soliq hisoboti 1-ilovasining:

030-satri (realizatsiya sifatida qaraladigan daromadlar):

- (0301-satr) ishtirokchilar tarkibidan chiqish yoki ustav fondidagi hissasini kamaytirish yoxud ishtirokchining ulushini qaytarib sotib olish hisobiga berilgan tovarlar (xizmatlar) (Soliq kodeksining 463-m., 3-qism, “a”-kichik bandi);

- (0302-satr) yuridik shaxs tugatilganda hamda emitent tomonidan aksiyadordan ushbu emitent chiqargan aksiyalar qaytarib sotib olinganda aksiyadorga berilgan tovarlar (xizmatlar) (Soliq kodeksining  463-m., 3-qism, “b” va “v”-kichik bandlari);

- (0303-satr) tovarlarni (xizmatlarni) jismoniy shaxs mehnatiga haq to‘lash hisobidan yoki dividend to‘lash hisobidan berish (Soliq kodeksining  463-m., 3-qism, 2-bandi);

- (0304-satr) qayta ishlab berish uchun berilgan tovarlarni yoki boshqa mol-mulklar (Soliq kodeksining  463-m., 3-qism, 3-bandi);

- (0305-satr) realizatsiya qilingan yoki bepul berilgan (tovarlarni (xizmatlarni) olish huquqini taqdim etuvchi) vaucherlar (Soliq kodeksining  463-m., 4-qism) qiymatlari bo‘yicha elektron hisobvaraq-fakturalarda daromad turlarini tanlash orqali;

- (0306-satr) uzoq muddatli shartnomalar (Soliq kodeksining 463-m., 5-qism) bo‘yicha daromad bir tomonlama elektron hisobvaraq-fakturalarni rasmiylashtirish orqali;

040-satri (boshqa daromadlar):

- (0401-satr) asosiy vositalarning va boshqa mol-mulkning chiqib ketishidan olingan daromadlar (Soliq kodeksining  297-m., 6-bandi);

- (0404-satr) korxonani mol-mulk majmui sifatida sotishdan olingan daromadlar (Soliq kodeksining  297-m., 23-bandi) bo‘yicha elektron hisobvaraq-fakturalarda daromad turlarini tanlash orqali;

- (04011-satr) asosiy vositalarning va boshqa mol-mulkning chiqib ketishidan olingan daromadlar (Soliq kodeksining  297-m., 6-bandi);

- (0402-satr) tekinga olingan mol-mulk (olingan xizmatlar) (Soliq kodeksining  297-m., 10-bandi);

- (0403-satr) qayta tiklangan zaxiralar daromad summalari (Soliq kodeksining 297-m., 21-bandi);

- (0405-satr) boshqa daromadlar bo‘yicha quyidagi daromad turlariga bir tomonlama elektron hisobvaraq-fakturalarni rasmiylashtirish orqali shakllantiriladi.

Jumladan:

1) REPO operatsiyalari bo‘yicha daromad (Soliq kodeksining  297-m., 4-bandi);

2) qimmatli qog‘ozlar va (yoki) muddatli bitimlarning moliyaviy vositalariga doir operatsiyalar bo‘yicha olingan daromad (Soliq kodeksining  297-m., 5-bandi);

3) inventarizatsiya natijasida aniqlangan ortiqcha tovar-moddiy zaxiralarning va boshqa mol-mulkning qiymati tarzidagi daromad (Soliq kodeksining  297-m., 11-bandi);

4) qonun hujjatlarida belgilangan tartibda majburiyatlarni hisobdan chiqarishdan olingan daromad (Soliq kodeksining  297-m., 12-bandi);

5) talab qilish huquqidan o‘zganing foydasiga voz kechish shartnomasi bo‘yicha olingan daromad (Soliq kodeksining 297-m., 13-bandi);

6) ilgari chegirib tashlangan xarajatlar yoki zararlarning o‘rnini qoplash tarzidagi daromad (Soliq kodeksining  297-m., 14-bandi);

7) shartnoma majburiyatlarini buzganlik uchun to‘lanishi lozim bo‘lgan jarimalar, penyalar va boshqa sanksiyalar, shuningdek zararlarning (ziyonning) o‘rnini qoplash summa (Soliq kodeksining  297-m., 17-bandi);

8) valyuta hisobvaraqlari bo‘yicha ijobiy kurs farqining salbiy kurs farqidan oshishi (Soliq kodeksining  297-m., 18-bandi);

9) aksiyador, ishtirokchi yuridik shaxs foydasiga o‘z ulushining (ulushi bir qismining) qiymatini olishdan voz kechish natijasida ustav fondi (ustav kapitali) kamayishi munosabati bilan olgan daromad (Soliq kodeksining  297-m., 22-bandi);

10) soliq kodeksining VII bo‘limida belgilangan hollarda va tartibda nazorat qilinadigan chet el kompaniyasining foyda tarzidagi daromadi
(Soliq kodeksining  297-m., 25-bandi);

11) dividendlar tarzida olingan daromad (Soliq kodeksining  297-m., 19-bandi);

12) foizlar tarzida olingan daromad (Soliq kodeksining  297-m., 19-bandi);

13) boshqa daromadlar (Soliq kodeksining  297-m., 27-bandi).

Daromad turlarini quyidagi rasmda ko‘rsatilgan tartibda rasmiylashtiriladi:

Boshqa daromadlar bo‘yicha bir tomonlama elektron hisobvaraq‑fakturalar quyidagi rasmda ko‘rsatilgan holda shakllantiriladi. Bunda MXIK kodlarini tanlash talab etilmaydi.

ESLATMA:

Aylanmadan olinadigan soliq bo‘yicha amaldagi har choraklik bo‘lgan soliq hisoboti davri har oylik (har oyning 15-sanasi etib belgilandi.