Бухоро вилоятида давлат солиқ бошқармасининг “Солиқ тўловчиларга хизмат кўрсатиш” биноси фойдаланишга топширилди. 

Шу муносабат билан ташкил этилган тантанали тадбирда Бухоро вилояти давлат солиқ бошқармаси бошлиғи Ш.Ашуров, вилоят ҳокими Б.Зарипов ва ҳудуддаги барча сектор раҳбарлари, солиқ тўловчилар, соҳа фахрийлари,  кенг жамоатчилик ҳамда ОАВ вакиллари иштирок этди.

Замонавий архитектура услубида қад ростлаган бинода солиқ тўловчиларга тўғридан-тўғри, очиқ ва шаффоф тарзда хизмат кўрсатиш учун барча шароитлар яратилган.

Тадбирнинг очилиш қисмидан сўнг иштирокчилар солиқ тўловчилар ва меҳмонларга янги бинода ходимлар ва ташриф буюрувчиларга яратилган шарт-шароитлар билан танишди.

Бу ерда “Камерал солиқ текшируви шўъбаси”, “Қўшилган қиймат солиғи маъмурчилиги бўлими”, Солиқ қарзини ундиришни ташкил қилиш бўлими”, “Юридик шахсларга хизмат кўрсатиш бўлими” ҳамда “Ҳисобни юритиш ва бюджет даромадларини прогнозлаштириш бўлими” солиқ тўловчиларга хизмат кўрсатади. 

Солиқ тизимида олиб борилаётган солиқ ислоҳотлари бугун жойларда ўзининг ижобий самараларини кўрсатаяпти.

Ушбу ислоҳотларнинг натижасини Бухоро вилояти мисолида айтадиган бўлсак, қисқа давр ичида солиқ хизмати органлари ходимлари ҳақиқатдан ҳам “Солиқ тўловчиларнинг ишончли ҳамкорига айланди”.

Хусусан, вилоятда жорий йил 1 июль ҳолатига 924 та қорхонага фаолиятини қайта тиклашда амалий ёрдам кўрсатилди. Ўтган 6 ой давомида биргина ишлаб чиқариш соҳасида “Солиқчи –  тадбиркорга кўмакчи” тамойили асосида 917 та тадбиркорлик субъектининг муаммоларини бартараф этиш чоралари кўрилмоқда.

Бундан ташқари, жорий йилнинг ўтган даврида ушбу  тамойил асосида кўрсатилган хизматлар ва амалий ёрдамлар натижасида 30,1 минг нафар фуқаролар фаолияти қонунийлаштирилди, яна 9 145 та фуқаро ишга жойлаштирилди. 

Бухоро вилояти ДСБ Матбуот хизмати