O'zbekiston Respublikasi Soliq qo'mitasi

Чекларни бутун мамлакат аҳолиси рўйхатдан ўтказмоқда

04/11/2020

“Ютуқли чек ўйинлари нега фақат Тошкент шаҳри истеъмолчилари учун?” – бу савол ўз актуаллигини йўқотди. Энди бутун Ўзбекистон аҳолиси ушбу ўйинда иштирок этиб, Chevrolet Nexia 3 автомашинаси ва бошқа қимматбаҳо совринларни ютиб олиши мумкин.

Шошилинг – Давлат солиқ қўмитаси ютуқли чек ўйинларининг V тиражи учун чекларни рўйхатдан ўтказиш давом этмоқда!

2020 йил 4 ноябрь ҳолатига 50 мингдан зиёд чек рўйхатдан ўтказилди. Бу борада фаоллик кўрсатаётган вилоят – шаҳар ва туманлар маълум бўлмоқда. Ҳозирда Хоразм вилоятининг Хива, Наманган вилоятининг Поп ва Сурхондарё вилоятининг Денов тумани аҳолиси энг фаол истеъмолчилардан бўлиб турибди.

Аҳолиси бошқа ҳудудларга нисбатан кўпроқ чекларни рўйхатдан ўтказган етакчи 5 вилоят:

Чекларга аҳамият беринг! Ютуқли ўйинда иштирок этувчи чеклар оддий касса ёки товар чекидан фарқ қилади: бундай чекларда рўйхатдан ўтказиш учун лозим бўлган 12 хонали фискал белги ва QR код мавжуд бўлади Бундай чекларни барча дорихоналарда, ёқилғи қуйиш шохобчаларид, алкоголь ва тамаки маҳсулотлари савдо нуқталарида, шунингдек, йирик савдо тармоқларидан олиш мумкин.

Ютуқли чекларни рўйхатдан ўтказишда биринчи ёрдамчи SOLIQ мобил иловаси. Илованинг “Жисмоний шахслар учун” бўлимида чекларни QR коди орқали рўйхатдан ўтказиш, рўйхатдан ўтган чеклар тарихини кўриш, онлайн назорат-касса машинаси ёки виртуал касса ўрнатилган савдо ва хизмат кўрсатиш нуқталарининг геолокациясини кўриш мумкин.

Иккинчи йўл – онлайн касса чекининг 12 хонали фискал белгисини 1077 қисқа рақамига SMS тарзда юбориб рўйхатдан ўтказиш.

Ютуқли чек ўйинларининг навбатдаги тираж санаси тез орада маълум бўлади! Онлайн назорат касса машиналари ва виртуал кассалар чекларини рўйхатдан ўтказишда давом этинг. Ўйинда иштирок этинг ва ғолиб бўлинг! Омад барчага ёр бўлсин!

ДСҚ Матбуот хизмати