Davlat soliq xizmati organlari boshqaruvida bir qator o‘zgarishlar yuz berdi. Xususan, Davlat soliq qo‘mitasi Raisi buyrug‘i bilan 10 ta davlat soliq inspeksiyasiga yangi boshliqlar tayinlandi.

Karimov Tolibjon Adilbekovich Andijon viloyati Baliqchi tumani davlat soliq inspeksiyasi boshlig‘i etib tayinlandi. 

Tolibjon Karimov 1984-yilda Andijon viloyatida tug‘ilgan. Ma’lumoti oliy. 2005-yilda Farg‘ona soliq kollejini, 2011-yilda Andijon davlat universitetini, 2014-yilda Soliq akademiyasini soliqlar va soliqqa tortish mutaxassisligi bo‘yicha tamomlagan.

U soliq organlaridagi faoliyatini 2005-yilda Andijon viloyati davlat soliq boshqarmasi Byudjetdan tashqari maqsadli jamg‘armalarga mablag‘ to‘plash bo‘limi davlat soliq inspektori sifatida boshlagan.

T.Karimov yangi lavozimga tayinlangunga qadar Andijon viloyati davlat soliq boshqarmasi Soliq nazorati bo‘limi boshlig‘i vazifasida ishlab kelayotgan edi.

Tolibjon Karimov soliq xizmatining I darajali inspektori.

Axmadova Komila Komilovna Buxoro viloyati Kogon shahar davlat soliq inspeksiyasi   boshlig‘i etib tayinlandi. 

Komila Axmadova 1991-yilda Buxoro viloyatida tug‘ilgan. Ma’lumoti oliy. 2012-yilda Buxoro davlat universitetini iqtisodchi mutaxassisligi bo‘yicha tamomlagan.U soliq organlaridagi faoliyatini 2016-yilda Qorovulbozor tumani davlat soliq inspeksiyasi Kameral nazorat sho‘basi davlat soliq inspektorligidan boshlagan.

K.Axmadova yangi lavozimga tayinlangunga qadar Buxoro viloyati davlat soliq boshqarmasi Qo‘shilgan qiymat solig‘i mamuriyatchiligi bo‘limi davlat soliq bosh inspektori vazifasida ishlab kelayotgan edi.

Komila Axmadova soliq xizmatining I darajali inspektori.

Latipov Alisher Rustamovich Buxoro viloyati Kogon tumani davlat soliq inspeksiyasi boshlig‘i etib tayinlandi. 

Alisher Latipov 1987-yilda Buxoro viloyatida tug‘ilgan. Ma’lumoti oliy. 2008-yil Toshkent davlat iqtisodiyot universitetini tamomlagan.

U soliq organlaridagi faoliyatini 2009-yilda Buxoro viloyati G‘ijduvon tumani davlat soliq inspeksiyasi Yuridik shaxslarni soliqqa tortish bo‘limi Soliq to‘lovchilar hisobotlarini qabul qilish va tahlil etish sho‘basi katta inspektori sifatida boshlagan.

A.Latipov yangi lavozimga tayinlangunga qadar Buxoro viloyati Kogon shahar davlat soliq inspeksiyasi boshlig‘i vazifasida ishlab kelayotgan edi.

Alisher Latipov soliq xizmatining I darajali inspektori. 

O‘roqov Orif Shavqiddinovich Buxoro viloyati G‘ijduvon tumani davlat soliq inspeksiyasi boshlig‘i etib tayinlandi. 

Orif O‘roqov 1984-yilda Buxoro viloyatida tug‘ilgan. Ma’lumoti oliy. 2006-yil Toshkent moliya institutini buxgalteriya hisobi va audit mutaxassisligi bo‘yicha tamomlagan.

U soliq organlaridagi faoliyatini 2006-yilda Buxoro shahar davlat soliq inspeksiyasi Yuridik shaxslarni soliqqa tortish bo‘limi davlat soliq inspektori sifatida boshlagan.

O.O‘roqov yangi lavozimga tayinlangunga qadar Buxoro viloyati davlat soliq boshqarmasi Buxgalteriya bo‘limi boshlig‘i vazifasida ishlab kelayotgan edi.

Orif O‘roqov soliq xizmatining II darajali maslahatchisi. 

Ergashev Muhammad Abdulxaqovich Samarqand viloyati Payariq tumani davlat soliq inspeksiyasi boshlig‘i etib tayinlandi. 

Muhammad Ergashev 1982-yilda Samarqand viloyatida tug‘ilgan. Ma’lumoti oliy. 2011-yilda Jizzax davlat pedagogika institutini tamomlagan.

U soliq organlaridagi faoliyatini 2007-yilda Urgut tumani davlat soliq inspeksiyasi EHM operatorligidan boshlagan.

M.Ergashev yangi lavozimga tayinlangunga qadar Urgut tumani davlat soliq inspeksiyasi boshlig‘i o‘rinbosari vazifasida ishlab kelayotgan edi.

Muhammad Ergashev Soliq xizmatining III darajali maslahatchisi.

Farsaxanov Xasan Nabi o‘g‘li Sirdaryo viloyati Guliston tumani davlat soliq inspeksiyasi boshlig‘i etib tayinlandi. 

Xasan Farsaxanov 1991-yilda Jizzax viloyatida tug‘ilgan. Ma’lumoti oliy. 2013-yilda Guliston davlat universitetini iqtisodchi mutaxassisligi bo‘yicha tamomlagan.

U soliq organlaridagi faoliyatini 2017-yilda Guliston shahar davlat soliq inspeksiyasi Jismoniy shaxslar soliq ma’muriyatchiligi bo‘limi davlat soliq inspektorligidan boshlagan.

X.Farsaxanov yangi lavozimga tayinlangunga qadar Guliston tumani davlat soliq inspeksiyasi boshlig‘i o‘rinbosari vazifasida ishlab kelayotgan edi.

Xasan Farsaxanov soliq xizmatining III darajali inspektori.

Axmedov Alisher Suvanovich Navoiy viloyati Karmana tumani davlat soliq inspeksiyasi   boshlig‘i etib tayinlandi. 

Alisher Axmedov 1981-yilda Navoiy viloyatida tug‘ilgan. Ma’lumoti oliy.

2010-yil Navoiy davlat pedagogika institutini, 2017-yil Soliq akademiyasini soliq va soliqqa tortish mutaxassisligi bo‘yicha tamomlagan.

U soliq organlaridagi faoliyatini 2012-yilda Navoiy viloyati Karmana tumani davlat soliq inspeksiyasi xodimi sifatida boshlagan.

A.Axmedov yangi lavozimga tayinlangunga qadar Navoiy viloyati Zarafshon shahar Davlat soliq inspeksiyasi boshlig‘i vazifasida ishlab kelayotgan edi.

Alisher Axmedov soliq xizmatining I darajali inspektori.

Ergashev Farhod Ziyadullayevich Navoiy viloyati Navbahor tumani davlat soliq inspeksiyasi   boshlig‘i etib tayinlandi. 

Farhod Ergashev 1983-yilda Samarqand viloyatida tug‘ilgan. Ma’lumoti oliy. 2009-yil Toshkent moliya institutini tamomlagan.

U soliq organlaridagi faoliyatini 2014-yilda Navoiy viloyati Nurota tumani davlat soliq inspeksiyasi Soliq tekshiruvlari sho‘basi davlat soliq inspektori sifatida boshlagan.

F.Ergashev yangi lavozimga tayinlangunga qadar Navoiy viloyati Davlat soliq boshqarmasi Jismoniy shaxslarga xizmat ko‘rsatish bo‘limi boshlig‘i vazifasida ishlab kelayotgan edi.

Farhod Ergashev soliq xizmatining II darajali inspektori.

Shomurodov Zoxidjon Bobonazarovich Navoiy viloyati Zarafshon shahar davlat soliq inspeksiyasi boshlig‘i etib tayinlandi.  

Zoxidjon Shomurodov 1983-yilda Navoiy viloyatida tug‘ilgan. Ma’lumoti oliy. 2003-yil Buxoro soliq kollejini, 2007-yil Soliq akademiyasini soliqlar va soliqqa tortish mutaxassisligi bo‘yicha tamomlagan.

U soliq organlaridagi faoliyatini 2003-yilda Navoiy shahar davlat soliq inspeksiyasi Jismoniy shaxslarga soliq solish va nazorat bo‘limi davlat soliq inspektori sifatida boshlagan.

Z.Shomurodov yangi lavozimga tayinlangunga qadar Qiziltepa tumani davlat soliq inspeksiyasi boshlig‘ining birinchi o‘rinbosari vazifasida ishlab kelayotgan edi.

Zoxidjon Shomurodov soliq xizmatining III darajali inspektori. 

Eshboltayev Xumoyun Abdurajabovich Qashqadaryo viloyati Shahrisabz shahar davlat soliq inspeksiyasi boshlig‘i etib tayinlandi. 

Xumoyun Eshboltayev 1992-yilda Qashqadaryo viloyatida tug‘ilgan. Ma’lumoti oliy. 2014-yil Qarshi muhandislik-iqtisodiyot institutini tamomlagan.

U soliq organlaridagi faoliyatini 2015-yilda Qarshi shahar davlat soliq inspeksiyasi Soliqlar va majburiy to‘lovlar tushumlarini hisobga olish, tahlil qilish, ma’lumotlar bazasiga xizmat ko‘rsatish bo‘limi davlat soliq inspektori sifatida boshlagan.

X.Eshboltayev yangi lavozimga tayinlangunga qadar Qashqadaryo viloyati Qarshi shahar davlat soliq inspeksiyasi boshlig‘i o‘rinbosari vazifasida ishlab kelayotgan edi.

Xumoyun Eshboltayev soliq xizmatining II darajali inspektori.