Yig‘ilishda O‘zbekiston Respublikasi Korrupsiyaga qarshi kurashish agentligi, Davlat xavfsizlik xizmati, Bosh prokuratura hamda O‘zbekiston xalqaro islom akademiyasi mas’ul vakillari, ommaviy axborot vositalari, shuningdek yosh xodimlarning oila a’zolari (ota-onalari) ishtirok etdi.

Hozirda Korrupsiyaga qarshi kurashish agentligi bilan hamkorlikda ishlar to‘g‘ri tashkil etilib, davlat soliq xizmati organlarida korrupsiyaga qarshi kurashish borasida amalga oshirilgan ishlar, tahlillar, erishilgan natijalar to‘g‘risidagi axborotlar “E-anticor.uz” platformasiga o‘z vaqtida, to‘liq va sifatli kiritib borilmoqda.

Amalga oshirilgan ishlar natijasi o‘laroq, O‘zbekiston Respublikasi Prezidentining “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to‘g‘risida” 2022-yil 12-yanvardagi PQ-81-son qarori talablariga muvofiq Korrutsiyaga qarshi kurashish agentligi tomonidan e’lon qilingan davlat organlari va tashkilotlarida korrupsiyaga qarshi kurashish ishlari samaradorligining 3 ta, ya’ni “yaxshi”, “qoniqarli” va “qoniqarsiz” guruhlarga toifalangan reytingida Davlat soliq qo‘mitasi faoliyati “yaxshi” deb topilgan 1-guruhdan o‘rin oldi.

Shuningdek, bugungi kunda @dsq_anticorrupciya_bot telegram boti yo‘lga qo‘yilgan. Ushbu bot orqali davlat soliq xizmati organlari faoliyatiga oid korrupsion holatlar haqida murojaat yo‘llash mumkin. Botga kelib tushgan murojaatlar DSQ Shaxsiy xavfsizlik boshqarmasi tomonidan nazoratga olinadi. Korrupsiya holatlari aniqlangan taqdirda holat sodir etilishiga aloqador bo‘lgan har bir xodimga nisbatan qonunchilikda belgilangan tartibda choralar ko‘riladi.

Shaxsiy xavfsizlik boshqarmasi