O‘zbekiston Respublikasi Prezidentining “Norma ijodkorligi faoliyatini takomillashtirish konsepsiyasini tasdiqlash to‘g‘risida” 2018-yil 8-avgustdagi PF-5505-son Farmoni bilan idoraviy normativ-huquqiy hujjatlarni imkon qadar qisqartirish, ularning normalarini yuqori yuridik kuchga ega bo‘lgan qonun hujjatlariga o‘tkazish belgilangan.

Loyiha bilan o‘z kuchini yo‘qotgan deb topilayotgan idoraviy normativ-huquqiy hujjatlardagi normalar (O‘zbekiston Respublikasi Vazirlar Mahkamasining 2022-yil 2-apreldagi 150-son “Soliq to‘lovchilarni hisobga qo‘yish sohasidagi ayrim davlat xizmatlarini ko‘rsatish bo‘yicha maʼmuriy reglamentlarni tasdiqlash to‘g‘risida”gi qarori) yuqori yuridik kuchga ega bo‘lgan qonun osti hujjatlarda belgilanganligi bois va O‘zbekiston Respublikasining “Normativ-huquqiy hujjatlar to‘g‘risida” 2021-yil 20-apreldagi O‘RQ-682-son Qonunining 18-moddasi talablaridan kelib chiqib loyihani qabul qilish zarurati yuzaga kelgan.

Normativ-huquqiy hujjatlar loyihalari muhokamasi portaliga “O‘zbekiston Respublikasi Davlat soliq qo‘mitasi tomonidan qabul qilingan ayrim idoraviy normativ-huquqiy hujjatlarni o‘z kuchini yo‘qotgan deb topish to‘g‘risida”gi qaror loyihasi joylashtirildi.

Loyiha bilan Davlat soliq qo‘mitasi tomonidan qabul qilingan quyidagi 7 ta idoraviy normativ-huquqiy hujjatni o‘z kuchini yo‘qotgan deb topish nazarda tutilmoqda.

1. O‘zbekiston Respublikasi Davlat soliq qo‘mitasining 2014-yil 17-iyundagi 2014-25-son “Soliq solish obyektlari hamda soliq solish bilan bog‘liq obyektlar to‘g‘risidagi maʼlumotlar bazasini shakllantirish va yuritish tartibi to‘g‘risidagi nizomni tasdiqlash haqida”gi qarori (ro‘yxat raqami 2600, 2014-yil 10 iyul) (O‘zbekiston Respublikasi qonun hujjatlari to‘plami, 2014-y., 28-son, 350-modda).

2. O‘zbekiston Respublikasi Davlat soliq qo‘mitasining 2017-yil 28-avgustdagi 2017-46-son “Soliq solish obyektlari hamda soliq solish bilan bog‘liq obyektlar to‘g‘risidagi maʼlumotlar bazasini shakllantirish va yuritish tartibi to‘g‘risidagi nizomga o‘zgartirishlar kiritish haqida”gi qarori (ro‘yxat raqami 2600-1, 2017-yil 12-sentabr) (O‘zbekiston Respublikasi qonun hujjatlari to‘plami, 2017-y., 37-son, 1018-modda).

3. O‘zbekiston Respublikasi Davlat soliq qo‘mitasining 2018-yil 15-avgustdagi 2018-65-son “Ko‘chmas mulk ijara shartnomalarini davlat soliq xizmati organlarida majburiy hisobga qo‘yish tartibi to‘g‘risidagi nizomni tasdiqlash haqida”gi qarori (ro‘yxat raqami 3077, 2018 yil 11 oktyabr) (O‘zbekiston Respublikasi qonun hujjatlari to‘plami, 2018-y., 41-son, 821-modda).

4. O‘zbekiston Respublikasi Davlat soliq qo‘mitasining 2019-yil 16-iyuldagi 2019-49-son “Ko‘chmas mulk ijara shartnomalarini davlat soliq xizmati organlarida majburiy hisobga qo‘yish tartibi to‘g‘risidagi nizomga o‘zgartirishlar kiritish haqida”gi qarori (ro‘yxat raqami 3077-1, 2019-yil 24-iyul) (O‘zbekiston Respublikasi qonun hujjatlari to‘plami, 2019-y., 30-son, 535-modda).

5. O‘zbekiston Respublikasi Davlat soliq qo‘mitasining 2020-yil 30-iyundagi 2020-24-son “Ko‘chmas mulk ijara shartnomalarini davlat soliq xizmati organlarida majburiy hisobga qo‘yish tartibi to‘g‘risida nizomga o‘zgartirishlar kiritish haqida”gi qarori (ro‘yxat raqami 3077-2, 2020-yil 29-iyul) (O‘zbekiston Respublikasi qonun hujjatlari to‘plami, 2020-y., 31-son, 365-modda).

6. O‘zbekiston Respublikasi Davlat soliq qo‘mitasining 2020-yil 9-apreldagi 2020-12-son “Chet el yuridik shaxslarini soliq organlarida hisobga qo‘yishda (hisobdan chiqarishda) taqdim etiladigan hujjatlar ro‘yxatini tasdiqlash haqida”gi qarori (ro‘yxat raqami 3234, 2020-yil 11-may) (O‘zbekiston Respublikasi qonun hujjatlari to‘plami, 2020-y., 19-20-son, 214-modda).

7. O‘zbekiston Respublikasi Davlat soliq qo‘mitasining 2020-yil 25-maydagi 2020-19-son “O‘zbekiston Respublikasida tovar-xomashyo birjalarida operatsiyalarni amalga oshiruvchi va (yoki) tashkillashtirilgan savdolarda jamiyatlarning aksiyalarini sotib oladigan (sotadigan) norezident bo‘lgan yuridik shaxslarni soliq organlarida hisobga qo‘yish tartibi to‘g‘risidagi nizomni tasdiqlash haqida”gi qarori (ro‘yxat raqami 3245, 2020-yil 18-iyun) (O‘zbekiston Respublikasi qonun hujjatlari to‘plami, 2020-y., 24-son, 269-modda).