O‘zbekiston Respublikasi Vazirlar Mahkamasi huzuridagi Soliq qo‘mitasi

ДСҚ раиснинг янги ўринбосари таништирилди

16/12/2020

Ўзбекистон Республикаси Президентининг қарори билан Насимджанов Юнусжон Зохидович Давлат солиқ қўмитаси раиси ўринбосари лавозимига тайинланди.

Юнусжон Насимджанов 1967 йилда Тошкент шаҳрида туғилган. Маълумоти олий. 1991 йилда Тошкент давлат техника университетини,

1997 йилда Тошкент молия институтини “Молия ва кредит” мутахассислиги бўйича тамомлаган.

Ю.Насимджанов ушбу лавозимга тайинлангунга қадар Жиззах вилояти Давлат солиқ бошқармаси бошлиғи лавозимида ишлаб келаётган эди.

Юнусжон Насимджанов солиқ хизмати органларидаги меҳнат фаолиятини 1993 йилда Тошкент шаҳар Сирғали тумани давлат солиқ инспекцияси Давлат корхоналарига солиқ солиш бўлими давлат солиқ инспектори, давлат солиқ катта инспектори лавозимидан бошлаган.

Ю.Насимджанов солиқ органларидаги узоқ йиллик фаолияти давомида Тошкент шаҳар Яшнобод тумани давлат солиқ инспекцияси бошлиғи, Фарғона вилояти давлат солиқ бошқармаси бошлиғи лавозимларида ҳам ишлаган.

Насимджанов Юнусжон Зохидович солиқ хизматининг I даражали маслаҳатчиси.

Давлат солиқ қўмитаси раиси ўрнибосарини таништириш маросимида Ўзбекистон Республикаси Бош Вазири ўринбосари Ж.Қўчқоров иштирок этди.